Қыс жақындап келеді. Ал жылыту маусымына өңірлердің дайындығы қай деңгейде?

15 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Sep 8, 2026

«МЭКСОНОМИКА» бұл шығарылымында Қанат Бозымбаевтың Қарағанды облысына жасаған жұмыс сапары мен Ұлттық жоба аясындағы жаңғырту қарқыны сөз болады.

Премьер-Министрдің орынбасары Теміртау, Қарағанды және Саран қалаларындағы жылу желілері, су тазарту жүйесі, электр энергиясының инфрақұрылымы және отандық құбыр өндірісі нысандарын аралады. Кейбір желілердің пайдаланылып келе жатқанына 60 жылға жуықтаған, ал жекелеген нысандардағы тозу 80 пайыздан асады.

Алайда мәселе тек Қарағанды облысымен шектелмейді. Жобалық кеңестің көшпелі отырысында ел бойынша 328 жобаның іске асырылу барысы қаралды. Оның 134-інің жобалық-сметалық құжаттамасы дайын, ал құрылыс-монтаж жұмыстары 72 нысанда басталған. Конкурстар мен келісімшарттардың созылуына байланысты бірқатар өңірдің жұмысы жеке талқыланды.

Қанат Бозымбаев өңірлерге уақыт жоғалтпай, басталған жұмыстарды барынша тездетіп, белгіленген мерзімде аяқтауды тапсырды. Себебі жөндеу маусымы қысқа, ал нәтиже қағаздағы есеппен емес, нысанда атқарылған нақты жұмыспен өлшенеді.

#МЭКСономика #ҚанатБозымбаев #Қарағанды #Теміртау #Саран #ҰлттықЖоба #ҚысқаДайындық #Қазақстан