Қытайлық инвесторлармен келісім жасалды

#qyzylordatv #news #қызылорда #жаңалықтар #қытай #инвестор
Қытай кәсіпкерлері Қызылорда облысында ірі 9 инвестициялық жоба жүзеге асырады. Көрші елдің инвесторлары ауыл шаруашылығы, металлургия, қайта өңдеу, мұнай-газ сияқты бірқатар маңызды салаларға қаржы салуға ниетті. Бұл бағытта қазір облыс әкімі бастаған Қытайдағы делегация екі жақты келісімдер жасады. Енді жуық арада ірі компания өкілдері Сыр өңірінің әлеуетімен танысып, зерделеуге кіріспек.

Сыр өңірінен аспан асты еліне аттанған делегация алдымен Қытайдың төрт аймағын аралады. Жергілікті билік және бизнес өкілдерімен бір үстел басында кездескен қос тарап келіссөз жүргізді. Мақсат Қызылорда облысындағы инвестициялық әлеуетті таныстыру. Осы арқылы инвестордың тілін тауып, нақты келісімге қол жеткізу. Қытайдың ірі компаниялары Қызылорда облысына жалпы құны 10,8 миллиард теңге инветиция салуға келісті.

ЛУ СЯОБО – KALE GROUP КОМПАНИЯСЫНЫҢ БАСҚАРМА ТӨРАҒАСЫ
//аударма оқу керек! Біздің компания металлургия және көміртегі өндірісімен айналысады. Инвестиция салуға дайынбыз. Жұмыс келісім бойынша жуырда басталады. Қызылордаға біздің компаниядан бір топ маман барады. Алдымен жергілікті жердің әлеуетін зерделеп, талдау жасап алуымыз керек. Егер бәрі кедергісіз өтсе, біз сияқты тағы бірнеше компания инвестиция салуға дайын отыр.//

Қытайлық компаниялар қаржы, техника мен маман мәселесінде қиындық жоқ дейді. Әріптестік орнатып, қаржы құюға да дайын. Олар үшін ең бастысы қауіпсіздік. Әрі жергілікті билік тарапынан көрсетілетін қолдау. Облыс әкімі бұл тұрғыда серіктестік сенімді іске асатынын айтып, әр жобаны жеке бақылауына алатынын айтты.

Бүгінде облыста зауыт, өндіріс орындарын салуға 362 гектар аумақ дайын. Ол үшін 6 индустриалдық аймақ жұмыс істейді. Оған қажетті инженерлік-инфрақұрылым, логистикалық қолдау көрсетіледі. Ұтымды ұсыныс инвесторларды қызықтырып отыр. Мұндай мүмкіндіктің бар екенінен төрт аймақтың бизнес қауымдастығы түгел хабардар. Бұл қатарда Сычуань, Шэнси, Нинсияхуэй аймақтары мен Бейжің қаласы бар. Сонымен қатар пайдалы қазба ресурстары, энергетика, ауыл шаруашылығы, мұнай-газ салалары бойынша ұсыныстар берілді. 30-дан астам келіссөз жүргізіліп, 9 келісім нақты құжатпен бекітілді.

Қытайлық компаниялардың облыстағы жобаларға инвестиция салуы алғаш рет емес. Табысты жұмыс істеп тұрған шыны зауыты мен құрылыс зауыты бар, Ал мұнай-газ саласындағы компаниялардың 70 пайызға жуығы Қытай мемлекетінен. Сондықтан өңірдің инвестициялық игілігін арттыру бағытындағы қадам әлі де жалғаса бермек.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylorda_tv
Tiktok -https://www.tiktok.com/@qyzylorda_tv/