Құлсарыдағы жарылыстан күлге айналған кәсіпкерлік нысандардың иелері шу шығарды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырау облысы Құлсары қаласында жанармай құю бекетіндегі жарылыстан күлге айналған кәсіпкерлік нысандардың иелері шу шығарды. Бизнесмендер отқа оранған ғимараттар жарамсыз күйде дейді. Ал, қайта қалыпқа келтіру үшін қыруар қаражат керек. Бірақ олар шығынды кімнен өндірерін білмей жүр. Бар табысымыздан айырылдық деген жандар облыс әкімінен көмек сұрайды. Айта кетейік, апат кезінде сол маңдағы көліктер де бүлінген болатын.
Жойқын жарылыс кезінде бассейін орталығының сау тамтығы қалмаған. Ғимараттағы спорт, жаттығу залы, массаж бөлмесі толығымен күлге айналған еді. Енді кәсіпкер шаш етектен шығынға баттым деп отыр.
АҚМАРАЛ ТҮГЕЛБАЙҚЫЗЫ, кәсіпкер:
- Төмендегі қабатта орналасқан жуыну бөлмесі, сауна бәрі зақымданған. Пайдаға аспайды. Салынып біткен сауда орталығы да үш бөліктен тұратын. 2000 шаршы метрдегі футзалмен бірге ашамыз деп отқан түгел жанып кетті. Біздің кінәміз жоқ. Сондықтан шығынды өтеп берсін дейміз. Бізге мына бассейінді аяққа тұрғызу керек. Халықтан да сұраныс көп.
Бассейнмен қоса тағы екі жаңа нысан қираған. Бизнесті енді ғана дөңгелетеміз деген өзге кәсіпкерлер де тығырыққа тіреліп отыр. Апат кезінде алты көлікке де зақым келіпті. Мәселен, Асылан Қазиевтің қымбат машинасы толық отқа оранған. Бағалаушылар шығын көлемін шамамен 7-8 миллион деп есептеп берген екен.
АСЫЛАН ҚАЗИЕВ, Құлсары қаласының тұрғыны:
- Машинам мүлдем, толықтай жарамсыз күйде. Сыртқы бейнесі міне, толықтай өртеніп кеткен. Ішіне де, салонына да от тиген. Сосын қыздырғанда да жаңағыдай компьютерлерінде кішкене ақау бар. Бұл банкте тіркеуде тұрған машина. Банкта залогта тұр.
Қазір арнайы құрылған комиссия жанармай құю бекетіндегі жарылыстың себеп-салдарын анықтап жатыр. Алдын ала болжам бойынша станция заңсыз жұмыс істеген.
СЫРЫМ ЖАЙМАҒАНБЕТОВ, Атырау облыстық төтенше жағдайлар департаменті бастығының орынбасары:
- Нақты анықталады заңды, заңсыз жұмыс жасағаны және жауапты тұлғалар кінәлілердің анықтап беріледі. Тергеп-тексеру қорытындысы аяқталған соң. Алдын ала зерделеу барысында аны
Ал, полиция қылмыстық іс қозғап, арнайы сараптама тағайындаған. Еске салсақ, он күн бұрын Құлсарыдағы жанармай құю бекетінде жарылыс болып, арты өртке ұласқан болатын Соның салдарынан ерлі-зайыптылар ажал құшып, он алты адам зардап шеккен. Қазір денесін күйік шалған бес тұрғын ауруханада емделіп жатыр.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық