Құрманғазыда «7-разъезд – Асан – Азғыр – Балқұдық – Сүйіндік» бағытында жол салынып жатыр

5 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 2, 2026

Құрманғазыда «7-разъезд – Асан – Азғыр – Балқұдық – Сүйіндік» бағытында жол салынып жатыр

Құрманғазы ауданында елді мекендер арасындағы көлік қатынасын жақсартуға бағытталған жол құрылысы кезең-кезеңімен жүргізілуде. Қазір 36 шақырым жолда құрылыс басталып, келесі учаскелерде дайындық жұмыстары қолға алынған, – деп хабарлайды Өңірлік коммуникациялар қызметі.

Атап айтқанда, жолдың 0-36 шақырым аралығында құрылыс жұмыстары басталды. Ал 36-98 шақырым учаскесін салу бойынша «КазКомСервис» ЖШС-мен келісімшарт жасалған. Сонымен қатар 98-180 шақырым аралығына жобалау-сметалық құжаттама әзірленіп жатыр.

Атырау облысы Жолаушылар көлігі және автомобиль жолдары басқармасының басшысы Әсет Оразғалиевтің айтуынша, бұл бағытта бұған дейін асфальт жол болмаған. Тұрғындар қатынас үшін қара жолды пайдаланған.

– Бұл – өңірдің көлік инфрақұрылымын дамытудағы және халықтың тұрмыс сапасын жақсартудағы маңызды жобалардың бірі. Сондықтан құрылыс жұмыстарын кезең-кезеңімен жүзеге асырып жатырмыз, – деді Әсет Оразғалиев.