Үкімет басшысы шыны зауытында болды

Өңдеу өнеркәсібінің көрсеткіші бойынша Қызылорда облысы аймақтар арасында көш басында келеді. Бұл туралы облыс әкімінің орынбасары Ардақ Зебешев Премьер-министрдің Сыр өңіріне сапары барысында баяндады. Олжас Бектенов шыны зауытында болып, өндіріс орнының жұмысымен танысты.

Шыны зауыты аймақтағы ең ірі инвестиция тартылған нысанның бірі. Өндіріс орнында тәулігіне 530 тонна дайын өнім өндіріліп жатыр. Оның 70 пайызы ішкі нарыққа бағытталған болса, 30 пайызы Орталық Азия елдеріне, Ресейге, Әзербайжанға жөнелтіліп жатыр. Үкімет басшысы шыны зауытын аралап, өндіріс қарқынын көрді. Жалпы облыстың өнеркәсіп саласы былтырғы қыркүйек айынан бастап оң динамика көрсетіп келеді.

АРДАҚ ЗЕБЕШЕВ – ОБЛЫС ӘКІМІНІҢ ОРЫНБАСАРЫ // Осы жылдың 5 ай қортындысын қарайтын болсақ, 6,3 пайызға ұлғайып, өндірілген өнеркәсіптегі заттардың қазіргі көлемі 431 млрд. теңгені құрап отыр. Өңдеу өнеркәсіпті қарайтын болсақ, ол жерде де оң динамика қалыптасып, 43,5 пайызға ұлғайып, қазіргі таңда 144 млрд.теңгені құрап отыр. Негізінде өнедеу өнер кәсібінің үлесін қарайтын болсақ, соңғы бес жылдың ішінде 19 жылы ол 17 пайызды құрап отырса, былтырғы жылдың қортындысы бойынша ол 30 пайызды құрап отыр.

Жалпы алдағы бес жылдықта құны 1,1 трлн теңге болатын 76 жоба жүзеге асырылады дейді Ардақ Зебешев.

АРДАҚ ЗЕБЕШЕВ – ОБЛЫС ӘКІМІНІҢ ОРЫНБАСАРЫ // Негізгі капиталға тартылатын инвестицияның 80 пайызы жеке инвестиция болып табылады. Қазіргі кезде біздің өңірде 1,1 трлн.теңгені құрайтын 76 жоба алдағы 5 жылдықта іске асырылатын болады. Оның нәтижесінде 8400 жаңа жұмыс орыны ашылатын болады. Биылғы жылдың өзінде 15 жобаны іске қосып, оның арқасында 470 тұрақты жұмыспен қамтитын боламыз. Оның жалпы соммасы 32 млрд.теңгені құрайды.

Ал, зауыт жанынан энергия үнемдейтін шыны шығаратын жаңа желі іске қосылған. Мұнан бөлек, алдағы уақытта, айна, шындалған шыны өндірісі мен автомобиль шынысын және шыны бөтелке шығару жоспарланып отыр.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/