Ұлттық құндылық және педагогикалық шеберлік: байқау нәтижелері

5 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 27, 2025

«Педагогикалық мамандықтар» кафедрасының «Педагогикалық мамандықтарды оқытудағы ұлттық құндылық парадигмасы: жасанды интеллект негізіндегі жаңаша көзқарас және кәсіби өсу» атты әдістемелік онкүндігі аясында студенттердің кәсіби шеберлігін арттыру, педагогикалық тәжірибелерімен бөлісу тәсілдерін жетілдіру, біліктіліктерін дамыту және ғылыми қабілеттілігін шыңдау арқылы креативті, үздік студенттерді анықтау мақсатында «Мен болашақ педагогпін!» атты облыстық байқау өткізілді. Шара өте тартысты өтті. Қатысушылар педагогикалық қабілеттерін жан-жақты көрсету мақсатында бірқатар кезеңдерден өтті: - Сабақ фрагментін өткізу – қатысушылар заманауи әдіс-тәсілдерге негізделген шағын сабақ үлгісін көрсетіп, өз пәніне әдістемелік тұрғыдан терең дайындықтарын дәлелдеді. - ҚМЖ құрастыру – берілген тақырып бойынша қысқа мерзімді жоспар жасап, оқу мақсаттарын дұрыс анықтау, әдіс таңдауы мен бағалау критерийлерін құрастырудағы кәсіби құзыреттіліктерін көрсетті. - Ата-аналар жиналысын ұйымдастыру – студенттер ата-аналармен өзара ұстаз бен ата-ана байланысының тиімді моделін ұсынып, тәрбиелік мазмұндағы жиналыс сценариін қорғады. - Тест тапсырмаларын орындау – педагогика пәні бойынша білімдерін тексеретін кәсіби тест сұрақтарына жауап берді. ✅Байқау нәтижесі: «Бастауыш білім беру педагогикасы мен әдістемесі» мамандығы бойынша 1️⃣орын - Фазылова Захара Райымбековна (Қ.Дүтбаева атындағы Атырау гуманитарлық колледжі) 2️⃣орын - Сарбас Сания Рсбайқызы (Т.Байсырымов атындағы Құлсары гуманитарлық-техникалық колледжі) 3️⃣орын - Қабижан Дильназ Қабижанқызы (Каспий өңірінің көпсалалы жоғары колледжі) «Мектепке дейінгі оқыту және тәрбие» мамандығы бойынша 1️⃣орын - Едрешова Нурай (Каспий өңірінің көпсалалы жоғары колледжі) 2️⃣орын - Аманжанова Асылай Аликқызы (Атырау жоғары көпсалалы «Болашақ» колледжі) 3️⃣орын - Ғалымқызы Дильназ (Қ.Дүтбаева атындағы Атырау гуманитарлық колледжі) Барлық қатысушыларға белсенділігі үшін алғыс білдіреміз! Жеңімпаздарды шын жүректен құттықтаймыз! Болашақ педагогтардың қанаттанып, кәсіби жолында биік белестерді бағындыруына тілектеспіз!