Ұл-қыздарын жан-жаққа тасудан жалыққан ата-аналар шу шығарды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Ақтаудағы ұшақ апаты - https://www.youtube.com/playlist?list=PLn2OyECVOtB-Smnp7Tu1rILvq5wFDM23g
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Атырауда ата-аналар шу шығарды. Олар шенеуніктерден ескерткішке айналған мектепті бұзып, жаңасын салып беруді талап етті. Өйткені, ұл-қыздарымыз басқа білім ордасына барғалы оқу үлгерімдері нашарлап, сабаққа деген құлшыныстары жоғалды, дейді. Ал білім басқармасындағылардың бұған айтар өз уәждері бар.
Екі жылдан бері ұл-қыздарын жан-жаққа тасудан жалыққан қырыққа жуық ата-ана бұрынғы мектептің бұзылып, жаңасы салынғанын қалайды. Себебі, қысы-жазы балаларды ит өлген жерге тасу нағыз азап,- дейді көпшілік. Сорақысы білім алушылардың сабаққа деген ынтасы да жоғалған.
ӘЙГЕРІМ ТЕМІРХАНОВА, Атырау қаласының тұрғыны:
Менің бес балам бірдей оқиды. Мектептің тұрғанына біршама жыл болды. Ескерткіш болып тұрғаны, осы мектептен бітіргенін қалаймыз. Осы мектептің бұзылып, қайтып қаланғанын қалаймыз. Өзге мектепте оқиды, жәутеңдеп жүрміз.
ЖҰМАБАЙ ОМАРОВ, Атырау қаласының тұрғыны:
- 2-3 жылдан бері балаларымыз қаңғып кетті. Мектепті бұзсын. Ештеңе көрінбейді. Балшыққа батып, ел кезіп жүр балалар. Құлап. Айттық. Олар жоғарғы жақтан біледі, деп қояды.
Қазығы 1976 жылы қаланған бұл мектеп қазір қаңырап бос тұр. 600 орындық оқу ордасы осыдан екі жыл бұрын апатты деп танылыпты.
МҰХАМЕДЖАН ОРАҚБАЙ, Атырау қаласының тұрғыны:
- Бұл 50 жыл болған қасиетті қара шаңырақ - қаланың қақ ортасындағы таза қазақ мектебі, өзіндік орны бар. Өлкеге белгілі атақты адамдар шыққан. Қасиетті қара шаңырақ. Орны бөлек мектеп.
ЖҰЛДЫЗ ТІЛЕУХАН, тілші:
- Жұрттың даурығуына да себеп жоқ емес. Өйткені, бос тұрған ғимаратта бірнеше рет апат болып, балалар жарақат алған екен. Осыдан кейін мектеп ауласы қоршалып, қауіпті аумаққа өтуге болмайды деген белгі қойылған.
Ал қалалық білім бөліміндегілер апатты мектеп жақында сүріледі деп сендірді. Қазір облыстық құрылыс басқармасына ұсыныс берілген. Енді ескі нысанның орнына 300 орындық жаңа мектеп салынады екен.
АЙНАГҮЛ ДҮЙСЕКЕНОВ, Атырау қалалық білім бөлімінің басшысы:
- Мемлекеттің мұқтаждығына, қажеттілікке байланысты жаңа мектеп салу жөнінде салааралық ұсынымды 2023 берді. Қазір білім басқармасы мен құрылыс басқармасы айналысып жатыр. Қазіргі уақытта бұзып, жаңасын салу бойынша жоба жасақталып жатыр.
Сондықтан, сабыры сарқылған ата-аналарға жоба аяқталғанша күте тұруға тура келеді.
Ирандағы жойқын жарылыстан соң, елде үш күн аза тұту жарияланды
Иранның оңтүстігіндегі Шахид Раджаи портында болған жарылыс салдарынан 46 адам қаза тауып, мыңнан астам тұрғын жарақат алды. Дүмпудің арты өртке ұласып, төтеншеліктер қызыл жалынды әрең ауыздықтаған. Алпауыт жарылыстан соң елде үш күндік аза тұту жарияланды.
Жарылыстың жойқын болғаны сонша, бірнеше шақырым қашықтықта орналасқан ғимараттардың терезелері сынған. Өрттің әсерінен ауаның сапасы төмендеп, мектептер мен кеңселер де жабылды. Иран билігі апаттың себебін анықтау үшін тергеу жүргізіп жатыр. Алдын ала болжам бойынша, жарылысқа қауіпті химиялық заттарды дұрыс сақтамау себеп болуы мүмкін. Кей сарапшылар ракета отыны ретінде қолданылатын химиялық зат жарылған болуы мүмкін деп отыр. Алайда Иран әскері мұны жоққа шығарды.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық