ҰҚТ мен психиатрлар ауруларды ұрлап, өлтіріп, олардың пәтерлерін сатып жіберген #қазақстан #shorts

https://orda.kz/v-almaty-pacientov-psihbolnicy-pohischali-i-ubivali-a-ih-kvartiry-prodavali-za-bescenok-391511/ Осы Алматы қаласының Психикалық Сауықтыру Орталығының психиатр дәрігерлері ұйымдасқан қылмыстық топпен (ҰҚТ) бірге 2017-2023 жылдар бойы науқастарын ұрлап, азаптап, зорлап, өлтіріп, ал олардың пәтерлерін жалған тұлғаларға қайта тіркеп сатқан.
2025 жылы 11 наурызда Алматы қаласының Қылмыстық істер жөніндегі мамандандырылған сотының судьясы Ерлан Болатов Ұйымдасқан Қылмыстық Топтың 22 мүшелеріне үкім шығарған, олардың арасында: дәрігер психиатрлар, сот-медициналық сарапшылар, риэлторлар, нотариустар, учаскелік полиция инспекторы, бұрын сотталған рецидивистер бар. ҰҚТы қылмыстарын 2017 жылдан 2023 жылға дейін Алматы қаласында жасаған.
ҰҚТы мүшелерінің барлық қатысушыларының нақты міндеттері бөлінген: ҰҚТ басшылары ұйымдастыру мәселесімен айналысып, заңсыз жолмен тапқан кірістерін мүшелері бөлістірген. Нотариустар зардап шеккен науқастардың жылжымайтын мүлік мәмілелерін заңсыз рәсімдеді. ХҚКО мен мұрағат қызметкерлері жылжымайтын мүлікті заңдастыру және мұраны рәсімдеу үшін жалған анықтамалар берді. Сот-медициналық сарапшы ҰҚТы өлтірген науқастарға табиғи өлім туралы жалған анықтама берген. Полицияның учаскелік инспекторы зардап шеккендердің пәтерлерін заңсыз ашып кіруге қатысты. Психиатр дәрігерлердің көмегімен рецидивистер Алматы қаласының Психикалық Сауықтыру Орталығының (бұдан әрі - ПСО) жалғыз басты науқастарды ұрлап, азаптап, зорлаған және өлтірген. Дәрігер психиатрлар Майра Уразаева, Айжан Джусупгалиева және Ғазиза Ешмұратова ҰҚТ басшысына жылжымайтын мүлкі бар жалғызбасты науқастар туралы ақпарат беріп отырған. Зардап шеккендерді психиатриялық көмек көрсету сылтауымен психдиспансерлерге заңсыз орналастырып, «шығару» деген сылтаумен пациенттерді рецидивистердің қолына беріп отырған.
Алматы қаласы, Әбіш Кекілбайұлы көшесі, 117 мекенжайы бойынша орналасқан Психикалық денсаулық орталығының № 3 ші бөлімшесінің меңгерушісі: Майра Уразаева жылжымайтын мүлікті иемдену мақсатында өз бөлімшесінің жалғыз басты науқастарды ұрлау мен өлтіруді ұйымдастырды. Кейіннен ҰҚТы мүшелері науқастарды азаптап пәтерлерін жалған тұлғаларға рәсімдеп сатқан. Олардың арасында Алматы қаласында екі пәтері бар сол № 3 ші бөлімшесінің науқасы Эдуард Рак бар. Майра Уразаева Эдуард Ракты «шығару» деген сылтаумен күйеуі Тахир Уразаевпен қасындағы сыбайластары қолына тапсырған. Эдуард Раканы азаптау арқылы пәтерлерді жалған тұлғаларға қайта ресімдеуге мәжбүрлеп, кейіннен пәтерлер арзан бағаға сатылған. Психиатр дәрігердің бұл жасаған қылмысының эпизодтары біздің елімізде кез келген азаматты психиатрларға ақша төлеп, психикалық ауруханаға заңсыз жатқызуға және мәжбүрлі ұстауға болатынын көрсетті.
--5. Сотталған Майра Уразаева, Айжан Джусупгалиева, Ғазиза Ешмұратова көп еңбек өтілі бар жоғары білікті психиатр дәрігерлер және ғылыми зерттеулердің авторлары болып, «денсаулық сақтау үздігі» белгісімен марапатталған. Алайда жоғарыда аталған Алматы Психикалық Денсаулық Орталығында психиатр дәрігерлер, 2017 жылдан 2023 жылға дейін ПСО пациенттерімен болған қанды оқиғаның үнсіз куәгерлері: психиатриялық қызмет жөніндегі директордың орынбасары Жолдыбаева Жанна Сағатқызы, ересектер диспансерлік бөлімшесінің меңгерушісі Доланбаева Рабига Усерқызы. «Ештеңе көрген де, ештеңе естіген де жоқпын» қағидаты бойынша осы күнгі бойы жұмыс істеуді жалғастырып жатыр