Әкімінің орынбасары қызметінен кетті

2 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Nov 13, 2026

Атырау қаласы әкімінің орынбасары Мейіржан Мұқасов қызметінен кетті. Бұл шешім оның атына қатысты тергеу жүріп жатқан тұста қабылданған. Қала әкімдігінің баспасөз қызметінің хабарлауынша, шенеунік өз еркімен жұмыстан босату туралы өтініш жазған. Tengrinews.kz ақпараттық порталының мәліметінше, биыл маусым айында әлеуметтік желілерде Ұлттық қауіпсіздік комитеті Атырау облысы бойынша департаментінің Сыбайлас жемқорлыққа қарсы іс-қимыл қызметі қала басшылығына қатысты тергеу бастағаны туралы ақпарат тараған. Ұлттық қауіпсіздік комитеті сотқа дейінгі тергеп-тексеру жүргізіліп жатқанын растағанымен, істің мән-жайын жария етпеді. Сондай-ақ әлеуметтік желілерде Мейіржан Мұқасовтың осы тергеу аясында жауап бергені туралы мәлімет тарады. Қызметінен кеткен шенеунік 2020 жылдан бері мемлекеттік қызметте басшылық лауазымдар атқарған. Ал 11 қарашада Атырау қаласы әкімінің орынбасары қызметіне Айдолат Кенжебеков тағайындалды. Ол 1987 жылғы 5 наурызда Атырау облысында дүниеге келген. 2008 жылы Халел Досмұхамедов атындағы Атырау мемлекеттік университетін «Мемлекеттік және жергілікті басқару» мамандығы бойынша тәмамдаған. Еңбек жолын сол жылы Атырау облыстық энергетика және коммуналдық шаруашылық басқармасында бастаған. 2011-2019 жылдары осы басқарма басшысының орынбасары қызметін атқарған. Ал 2019-2022 жылдары Қызылқоға ауданы әкімінің орынбасары болған.