Ә. Молдағұлова атындағы халықаралық әуежайдың қызметі туралы жиын өтті

Ә.Молдағұлова атындағы халықаралық әуежайда былтыр Шарм-Эш-Шейхке рейстер саны артты. Air Cairo және FlyArystan әуе компанияларының жаңа жиіліктері қосылған болатын. Алда Анталья бағытындағы рейстерді аптасына 12 ге дейін көбейту жоспарда бар. Ал, биылдан бастап Ақтөбеден Шымкентке ұшақ аптасына 6 рет ұшатын болады. 2-мамырдан бастап SCAT әуекомпаниясы аптасына 4 рет жиілікпен рейстер ашпақ, ал FlyArystan әуе компаниясы осы бағыттағы рейстерді 1-маусымнан қайта бастайды.Жиында авиация саласын цифрлық трансформациялау, халықаралық әуежайда жолаушыларға қызмет көрсету сапасын арттыру мәселелері де қаралды. Ақтөбе әуежайының Астана, Алматы, Ақтау, Атырау, Түркістан, Шымкент, Стамбул, Анталья, Шарм-Эш-Шейх, Доха, Пхукетке тұрақты және маусымдық рейстері бар. 11 бағытта қызмет көрсетеді. Ішкі рейстер жолаушыларына арналған цифрлық құжаттар сервисі жұмыс істейді. Жылдам әрі ыңғайлы қызмет көрсетуге мүмкіндік беретін арнайы жүйесі орнатылған. Жолаушыларды тіркеу процесін жеңілдететін төлқұжат пен жеке куәліктерді оқуға арналған құрылғы алынған.
Жүктермен жұмыс тиімділігін арттыру мақсатында әуежайда мұнай өнімдерінің қоймасын жаңғыртуға арналған бағдарламалық қамтамасыз ету мен бақылау аспаптары енгізілген. Жүк тасымалын рәсімдеу және сүйемелдеу үшін қазір E-Freight ақпараттық жүйесі пайдаланылады. Ақтөбе халықаралық әуежайын халықаралық әуе торабына айналдыру қажет, деді облыс әкімі. Әуежай аумағында логистикалық орталық құру және отын-жанармай құю станциясын ашу бойынша екі инвестициялық жобаны жүзеге асыру жоспарланған. Ал, қазір ұшу-қону жолағы жабындысының сапасы мен пайдалану қауіпсіздігін жақсарту үшін ПАГ 18 тақтасы сатып алынды.
Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv
Telegram https://t.me/evrikaaktobe