Өндірістің үздіксіз жұмысы – тәжірибелі маман еңбегі

3 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Jan 9, 2026

Еңбек адамы

Амангелді Қанатов 40 жылдан бері Атырау мұнай өңдеу зауытында жұмыс істеп келеді. Еңбек жолын кәсіпорында 3-разрядты слесарь болып бастаған.

Амангелді Қалымұлының ЭЛТҚ АТ-2 технологиялық қондырғысының операторы ретіндегі қызметі зауыт жұмысында ерекше маңызға ие.

Бұл секция мұнайды қыздыру, буландыру, фракциялау және дистиллят буларын шоғырландыру арқылы тұзсыздандыру мен судан ажырату процесін жүзеге асырады. Зауытқа келетін мұнай алғашында электрдегидратор блогынан өтеді. Осы жерде мұнай құрамындағы су мен тұзды айыру процесі жүреді.

— Жалпы мұнайды тазарту процестері өте маңызды. Біздің блокқа келетін өнім тиісті деңгейде тазартылмаса, өңдеу жұмыстары қиындап, жабдықтарға зиян келуі мүмкін. Сондықтан өндірістегі күрделі технологиялық әдістерді жетік білу және қондырғының жұмыс ерекшеліктерін түсіну аса қажет, — дейді А.Қанатов.

Оның сөзінше, жұмысшылардың қызметіне деген адалдығы кәсіпорынды жетістікке жетелейді. Осы орайда жас мамандар үздіксіз дамып, біліктілігін үнемі жетілдіруі қажет.

Біз әрбір қызметкердің адал еңбегін қадірлейміз, олардың маңдай терін мақтан етеміз.

#ЕңбекАдамы #ҚМГ #АМӨЗ #АдалЕңбек #ӨндірісМаманы