Өңірдегі 53 ауылдың әкімдерібіліктілігін арттыруда

Мемлекет басшысы Қасым-Жомарт Тоқаевтың Үкіметтің кеңейтілген отырысында берген тапсырмасы аясында Мемлекеттік басқару академиясы аудандық маңызы бар қалалар, ауылдар, кенттер мен ауылдық округтердің әкімдерін біліктілікті арттыру бағдарламасын әзірледі,-деп хабарлайды Өңірлік коммуникациялар қызметі.

Бағдарлама жергілікті басқару міндеттерін тиімді орындау, ауыл халқының өмір сапасын жақсарту, инфрақұрылымды дамыту үшін қажетті негізгі құзыреттерді дамытуға бағытталған.

-Тапсырмаға сәйкес бағдарлама практикалық жаттығулар, интерактивті пікірталастар, тренингтер, экономика, мемлекеттік басқару, құқықтану салалары бойынша сарапшылармен кездесу және оффлайн, онлайн форматта 240 академиялық сағат оқытуды қамтиды,-деді ҚР Президентінің жанындағы Мемлекеттік басқару академиясының АОФ директоры Ғабдығапаров Еркебұлан.

100 сағаты «AMANAT» партиясының Саяси менеджмент академиясы тарапынан ұсынылған. Бұдан өзге. жұмыс барысында жиі жіберілетін кемшіліктерді ескере отырып, практикалық кейстер және оларды тиімді шешу жолдары қаралатын болады.
Өз кезегінде әкімдердің кәсіби біліктілігін арттыру 17 модуль арқылы жүргізіледі.
Атап айтқанда:
- жергілікті бюджетті тиімді пайдалану;
- мемлекеттік сатып алулар мен салықтар;
- коммуналдық меншікті басқару, экология мен қоршаған ортаны қорғау;
- кәсіпкерлікті дамыту және мемлекеттік қолдау, аймаққа инвестиция тарту;
- мемлекеттік басқарудағы цифрлық технологиялар, жасанды интеллект құралдарын қолдану;
- қабылданған шешімдердің сәттілігіне әсер етуі мүмкін тәуекелдерді басқару, тиімді коммуникациялар және өзге дағдыларды дамытуды көздейді.

Оқытудың қорытындысына сәйкес әкімдер өңірлерді экономикалық дамытуға қатысты жобаларын қорғайды.
- Бірнеше ауыл әкімі қатысудамыз. Болашақта ауыл экономикасын көтеруге, қандай жұмыстар жүргізетініміз туралы пікірталас арқылы сұрақтарымыздың жауабын алып жатырмыз. Курс өте жақсы,- деді Алмалы ауылдық округінің әкімі Гүлшат Аухадиева

Бағдарлама 17 ақпан мен 13 мамыр аралығында ҚР Президентінің жанындағы Мемлекеттік басқару академиясының Атырау облысы бойынша филиалында жүргізіледі.