10 августа 2026 г.

21 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Aug 10, 2026

Атырауда Ғабдол Сланов атындағы облыстық ғылыми-әмбебап кітапханада қазақтың ұлы ақыны Абай Құнанбайұлының рухани мұрасын кеңінен насихаттауға арналған «Абай-дана, Абай - дара қазақта» атты әдеби кеш өтті,- деп хабарлайды Өңірлік коммуникациялар қызметі.

Іс-шара аясында арнайы кітап көрмесі ұйымдастырылып, оқырмандар назарына ақынның шығармалары, абайтану саласындағы ғылыми еңбектер мен танымдық әдебиеттер ұсынылды.

- Бұл жиын ақын өмірінің сирек деректерін келушілерге жеткізеді. Жалпы кітапханада Абай еңбектерінің 60% тұрақты оқылады. М.Әуезовтің “Абай жолы”, Абайдың “Қара сөздері” мен “Пайда ойлама, ар ойла” еңбектері оқырмандардың сұранысынан түспейді,- деді Оқырмандарға қызмет көрсету бөлімінің маманы Ағжан Нығмет.

Әдеби кеш соңында ақынның өлеңдері мен қара сөздері мәнерлеп оқылды.
Кешке полиция қызметкерлері, Әлеуметтік қолдау орталығының мүшелері мен кітапхана оқырмандары қатысты.