Атыраудағы №30 мектеп-гимназиясын жаңа оқу жылында ашу жоспарланып отыр
Атырауда 1 500 оқушыға арналған №30 мектеп-гимназиясы ғимаратының құрылысы жалғасып жатыр. Нысан Н. Тілендиев көшесі, 21 мекенжайында бой көтеріп келеді. Құрылыс барысымен облыс әкімі Болат Ақшолақов танысты.
Жұмыс жобалаудан бастап “кілт тапсыруға” дейінгі толық циклді қамтитын EPC-келісімшарт бойынша жүзеге асырылып жатыр. Мердігер — “Әлем құрылыс” ЖШС.
Қазір құрылыс алаңында 80-ге тарта жұмысшы мен 20 техника бар. Жұмыс ауқымының кеңеюіне қарай олардың санын 200-ге дейін көбейту жоспарланып отыр.
Ғимарат құрылысымен бірге сыртқы инженерлік желілерді тарту және аумақты абаттандыру жұмыстары да жүріп жатыр. Осы аптада су желілерін тарту аяқталады, ал келесі аптада кәріз, жылу және газ желілерін жүргізуге кіріспек.
Білім нысаны “Келешек мектептер” стандартына сай салынып жатыр. Оқу кабинеттерімен қатар STEM-зертхана, робот техникасы және хореография кабинеттері, лингафонды-компьютерлік кабинет, акт және спорт залдары қарастырылған. Оқушыларға арнап асхана, демалыс аймақтары мен коворкинг кеңістіктер де жабдықталады. Қауіпсіздікті бейнебақылау жүйесі қамтамасыз етеді.
Мектеп жаңа оқу жылы басталған бойда шәкірт қабылдауы үшін құрылысты 2027 жылғы шілдеде аяқтау жоспарланған.
Болат Ақшолақов нысанды пайдалануға беруге қатысты техникалық мәселелерді алдын ала келісуді тапсырды.
Аймақ басшысы Төтенше жағдайлар департаментімен бірлесе жұмыс істеу және өрт қауіпсіздігі талаптарын уақытында орындау қажет екеніне ерекше назар аударды. Әкім автотұрақ орындарын қарастыруды да міндеттеді.
— Оқу жылы басталғанда ғимараттың өзі ғана емес, іргелес инфрақұрылым да толық дайын болуы тиіс. Балалардың қауіпсіздігін, ата-аналарға қолайлы жағдай жасауды және жол қозғалысы мен көлік тұрағын ойластыру қажет, бірақ төңіректегі ағаш-талдарға тиісуге болмайды, — деді Болат Ақшолақов.
Атырауда 1 500 оқушыға арналған №30 мектеп-гимназиясы ғимаратының құрылысы жалғасып жатыр. Нысан Н. Тілендиев көшесі, 21 мекенжайында бой көтеріп келеді. Құрылыс барысымен облыс әкімі Болат Ақшолақов танысты.
Жұмыс жобалаудан бастап “кілт тапсыруға” дейінгі толық циклді қамтитын EPC-келісімшарт бойынша жүзеге асырылып жатыр. Мердігер — “Әлем құрылыс” ЖШС.
Қазір құрылыс алаңында 80-ге тарта жұмысшы мен 20 техника бар. Жұмыс ауқымының кеңеюіне қарай олардың санын 200-ге дейін көбейту жоспарланып отыр.
Ғимарат құрылысымен бірге сыртқы инженерлік желілерді тарту және аумақты абаттандыру жұмыстары да жүріп жатыр. Осы аптада су желілерін тарту аяқталады, ал келесі аптада кәріз, жылу және газ желілерін жүргізуге кіріспек.
Білім нысаны “Келешек мектептер” стандартына сай салынып жатыр. Оқу кабинеттерімен қатар STEM-зертхана, робот техникасы және хореография кабинеттері, лингафонды-компьютерлік кабинет, акт және спорт залдары қарастырылған. Оқушыларға арнап асхана, демалыс аймақтары мен коворкинг кеңістіктер де жабдықталады. Қауіпсіздікті бейнебақылау жүйесі қамтамасыз етеді.
Мектеп жаңа оқу жылы басталған бойда шәкірт қабылдауы үшін құрылысты 2027 жылғы шілдеде аяқтау жоспарланған.
Болат Ақшолақов нысанды пайдалануға беруге қатысты техникалық мәселелерді алдын ала келісуді тапсырды.
Аймақ басшысы Төтенше жағдайлар департаментімен бірлесе жұмыс істеу және өрт қауіпсіздігі талаптарын уақытында орындау қажет екеніне ерекше назар аударды. Әкім автотұрақ орындарын қарастыруды да міндеттеді.
— Оқу жылы басталғанда ғимараттың өзі ғана емес, іргелес инфрақұрылым да толық дайын болуы тиіс. Балалардың қауіпсіздігін, ата-аналарға қолайлы жағдай жасауды және жол қозғалысы мен көлік тұрағын ойластыру қажет, бірақ төңіректегі ағаш-талдарға тиісуге болмайды, — деді Болат Ақшолақов.
- Категория
- Атырау Атырауская область
Комментариев нет.


ПЕРЕЙТИ НА МОБИЛЬНУЮ ВЕРСИЮ САЙТА