2025 жылғы шомылу маусымы

10 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Теміртауда жазғы маусымға арналған шомылуға рұқсат етілген және тыйым салынған су айдындарының тізімі бекітілді
Шомылу маусымы қарсаңында Қарағанды облысының жергілікті билігі су айдындарында тұрғындардың қауіпсіздігін қамтамасыз ету бойынша жұмыстарды күшейтті. Әкімдіктің қаулысына сәйкес, Самарқанд су қоймасы маңында шомылуға ресми түрде рұқсат етілген 21 орын анықталды. Олардың қатарында бір коммуналдық қалалық жағажай мен 20 жекеменшік орын бар. Соның ішінде «Жас Алаш» және «Факел» атты балалар лагерлері.
Сонымен қатар, билік өкілдері шомылуға қатаң тыйым салынған 14 учаскеге ерекше назар аударып отыр. Олардың қатарында — кәсіпорындардың техникалық арналары, Нұра өзенінің жекелеген учаскелері және жабдықталмаған су қоймасының жағалаулары бар. Тыйым салудың себептері – демалушылардың өміріне қауіп төндіретін жағдайлар мен қауіпсіз инфрақұрылымның жоқтығы.
Нұрмұхамед Интуев, Теміртау қ. ТЖБ бастығы: «Жыл сайын шомылу маусымы кезінде Қазақстан Республикасының аумағында судағы жазатайым оқиғалар салдарынан 50-ден астам адам көз жұмады. Адам өлімінің негізгі себептері — тыйым салынған жерлерде шомылу, балалардың ата-анасыз қалуы, мас күйінде суға түсу. 2024 жылғы шомылу маусымында қалада шомылуға тыйым салынған орында бір төтенше жағдай тіркелді. Бүгінде азаматтардың қауіпсіздігі негізгі басым бағыттардың бірі болып саналады».
Қауіпсіздікті арттыру мақсатында қала мектептерінде алдын алу сабақтары өтіп жатыр. Демалыс орындарында күн сайын құтқарушылар мен ТЖ қызметкерлерінің рейдтері ұйымдастырылуда. Қазірдің өзінде сегіз тыйым салушы белгі орнатылды, алдағы уақытта тағы 40 белгі қою жоспарланған.
Нұрмұхамед Интуев, Теміртау қ. ТЖБ бастығы: «Биылғы жылдың 1 сәуірінен бастап қала су айдындарында ТЖ басқармасының қызметкерлері 15 патрульдеу, полициямен бірлесіп 4 рейд өткізді. 80-нен астам адамға судағы қауіпсіздік ережелері бойынша түсіндіру жұмыстары жүргізіліп, арнайы жадынамалар таратылды. Әкімшілік құқықбұзушылық кодексінің 412-бабы бойынша 8 адам жауапкершілікке тартылды. 1 маусымнан бастап Теміртау қаласының ТЖ басқармасы, Құтқару бөлімі, Полиция басқармасы және №5516 әскери бөлімімен бірлескен рейдтер басталады».

Құтқарушылар ескертеді: судағы қауіпсіздік — ең алдымен демалушылардың өз жауапкершілігі. Тек арнайы жабдықталған орындарда шомылыңыздар, балаларды қараусыз қалдырмаңыздар және қауіпсіздік ережелерін сақтаңыздар. Төтенше жағдай туындаған жағдайда 112 нөміріне бірден хабарласыңыз.
Категория
Темиртау
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА