28 октября 2026 г.

19 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Oct 28, 2026

Атыраудағы №44 мектеп-гимназиясы UNICEF-тің Green School жобасына қосылды

Атыраудағы №44 мектеп-гимназиясы UNICEF-тің Green School пилоттық бастамасына қатысатын Қазақстандағы 85 мектептің қатарына енді. Білім ордасында оқушылардың техникалық қабілетін шыңдауға, ұлттық құндылықтарды дәріптеуге және экологиялық мәдениетін қалыптастыруға бағытталған жобалар жүзеге асырылуда, – деп хабарлайды Өңірлік коммуникациялар қызметі.

Мектеп директоры Абай Ақмурзиевтің айтуынша, білім ордасында жасанды интеллект, робототехника, экологиялық тәрбие, этномәдени бағыт пен медиасауаттылыққа басымдық берілген.

– Оқушылардың техникалық дағдыларын дамыту мақсатында RoboQadam клубы жұмыс істейді. Жас журналистер мен мобильді видеографтар мектеп өмірін ақпараттық форматта таныстыруға машықтанады. Ал «Күй қанаты», EthnoLAB және Heritage LAB жобалары ұлттық мәдениет пен мұраны дәріптеуге бағытталған, – деді Абай Ақмурзиев.

Педагогтердің кәсіби тәжірибе алмасуына арналған «Педагогикалық Voyage» жобасы да ұйымдастырылды. Кездесу барысында мұғалімдер Жайық жағасында арт-терапияға қатысып, өзен үстіндегі кемеде кәсіби тақырыптарды талқылады.

Экологиялық тәрбие Eco LAB бұрышында жалғасуда. Мұнда оқушылар құстарды, соның ішінде тотықұстарды, қояндар мен балықтарды күтіп-баптауды, өсімдіктерге күтім жасауды үйренеді. Алдағы уақытта мектепте салат жапырақтарын өсіру де жоспарланған.

Сонымен қатар «Кітап оқитын ұлт» жобасы аясында Ыбырай Алтынсариннің 185 жылдығына орай «185 ізбасар – 185 кітап», «Сабақтың 5 минуты – Ыбырайға» және «Уақыт капсуласы: 185 жылдан кейінгі ұрпаққа хат» атты бастамалар қолға алынды.

Қазір мектеп-гимназияда 800-ден астам оқушы білім алып, жүзге жуық педагог еңбек етеді.