30 апреля 2025 г.

7 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Apr 30, 2025

Бүгін Ұлы Жеңістің 80 жылдығына орай Кеңес Одағының Батыры атағына ұсынылған, бірақ бұл жоғары марапат берілмеген Атыраулық майдангерлер туралы тарихи-танымдық сабақ өткізді.
Шараға әскери тарихшы, журналист, «Кеңес Одағының Батыры атағы берілмеген қазақстандықтар» атты екі томдық тарихи құжаттар жинағының авторы Жұмабай Орынғалиұлы Доспанов арнайы шақырылып, «Сармат» мамандандырылған мектеп-лицей-интернатының ұстаздары мен оқушылары қатысты.
Сабақ барысында Жұмабай Орынғалиұлы Екінші дүниежүзілік соғыс жылдары ерен ерлігімен көзге түсіп, Кеңес Одағының Батыры атағына ұсынылғанымен, түрлі себептермен бұл атақты ала алмаған 318 қазақстандық майдангердің, соның ішінде 119 қазақ жауынгерінің тағдыры туралы архивтік құжаттарға сүйене отырып баяндап берді. Аталған екі томдық кітап 2018 жылы жарық көріп, осы уақытқа дейін зерттелмей келген тарихи әділетсіздіктің орнын толтыруға бағытталған алғашқы іргелі еңбек ретінде бағаланды.
Музей ұйымдастырған бұл танымдық шараның негізгі мақсаты – жас ұрпақтың тарихи санасын қалыптастыру, ерлік пен отансүйгіштік құндылықтарын дәріптеу, сондай-ақ архивтік деректер негізінде тарихи шындықты насихаттау болды.