5 мая 2025 г.

3 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Ұлы Жеңістің 80 жылдығына орай ерлікке тағзым, тарихпен тілдесу, ұрпақ жадын жаңғырту мақсатында «Ұлы Отан соғысы кезіндегі балалар естелігі» кездесу кеші өтті.
Шараны музей басшысы М.Кипиев ашып, ұрпақтар сабақтастығын терең сезіндіретін тарихи белес екенін және соғыстың адам тағдырына салған ізіне үңілу, ұмытылмас естеліктерді ұрпақ санасын жаңғырту ардагерлерімізге деген үлкен құрмет екенін атап өтті.

Соғыс жылдарындағы тақырыпта ғылыми-зерттеу жұмыстарын жүргізіп жүрген тарихшыларымыздың атынан Х.Досмұхамедов атындағы Атырау университетінің қауымдастырылған профессоры, тарих ғылымдарының докторы А.Ахмет сөз алып, соғыс жылдарындағы ауыр тағдырларды зерттеудің бүгінгі ұрпақ үшін маңыздылығына тоқталды. Сондай-ақ, ол деректер мен мұрағат материалдары негізінде соғыстың тек майдан даласымен ғана емес, тылдағы, ауылдағы, отбасындағы күрделі ахуалмен де өлшенетінін айтты.

Шараға соғыс ардагерлерінің ұрпақтары қатысып, ата-бабаларының соғыс кезіндегі және соғыстан кейінгі ерліктері мен атқарған қызметтері туралы естеліктер айтып, тарихи құнды деректермен бөлісті. Атап айтқанда, Ұлы Отан соғысының ардагері, Атырау облысының Құрметті азаматы Орынғали Қарасаевтың жұбайы Д.Қосалықызы әже мен қызы Қ.Орынғалиқызы, І және ІІ дәрежелі «Ұлы Отан соғысы» ордендерімен, «Праганы азат еткені үшін», «Москваны қорғағаны үшін», «Германияны жеңгені үшін» медальдарымен және Сталиннің үш мәрте мақтау грамотасымен марапатталған Хайыр Мырзағалиевтің баласы С.Хайырұлы, «Қызыл Жұлдыз» орденінің иегері, сондай-ақ «Кенигсбергті алғаны үшін», «Берлинді алғаны үшін», «Германияны жеңгені үшін» медальдарымен марапатталған Басар Иманалиевтің ұлы Б.Басарұлы мен немересі А.Иманалиев, 1941–1945 жылдары Германия жеріндегі ұрыстарға қатысып, Жеңіспен оралғаны үшін «Германияны азат ету» медалімен марапатталған Қалым Шілденовтің баласы С.Қалымұлы, екі мәрте І дәрежелі «Ұлы Отан соғысы» орденінің және бірнеше медальдің иегері Әмірғали Есмағамбетовтің немересі Н.Есмағамбетов, сондай-ақ Қызыл Ту, Қызыл Жұлдыз, III дәрежелі Даңқ, І дәрежелі Отан соғысы ордендерімен, «Ерлігі үшін», «Мәскеуді қорғағаны үшін», «Берлинді алғаны үшін», «Праганы азат еткені үшін», «1941–1945 жылдардағы Германияны жеңгені үшін» медальдарымен марапатталған Сұлтан Құнашевтің немересі Б.Валиханұлы сұрапыл соғыс кезіндегі өз ата-бабаларының тағдыры жайлы тың деректер мен жан тебірентерлік естеліктерімен бөлісті.

Кеш барысында ардагерлердің жеке заттары, марапаттары мен құжаттары музей қорына салтанатты түрде табысталды.

Бұл шара – батыр бабаларға деген тағзымды тарих жадында сақтау жолындағы маңызды қадам болды.
Категория
Атырау Атырауская область
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА