8 мая 2025 г.

3 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Ұлы Жеңістің 80 жылдығына арналған “Ер есімі – ел есінде” жалпы республикалық музейлік акциясы аясында музей қоры құнды жәдігерлермен толығуда. Ұлы Отан соғысы ардагерлері Бұзаубаев Жайғали мен Тайтеков Аубәкір аталарымыздың соғыс жылдарынан қалған хаттары, марапаттары мен құжаттарын ұрпақтары музейге тапсырды.

Бұзаубаев Жайғали – 1921 жылы туған. Соғыс жылдары 200-атқыштар дивизиясының 650-артиллериялық полкінде атқыш болған. Ерлігі үшін ІІІ дәрежелі «Даңқ» орденімен, ІІ дәрежелі «Отан соғысы» орденімен, «Ерлігі үшін» және «Германияны жеңгені үшін» медальдарымен марапатталған. Соғыстан кейін Гурьев мұнай өңдеу зауытында еңбек етіп, «Ленин» орденін алған. Бір үйден майданға аттанған жеті бауырдың – Кенжеғали, Ерғазы, Серғазы, Майжан, Аққазы, Қажығали және Жайғалидің – ішінен тек Жайғали ата ғана елге аман оралған. Ардагердің соғыс жылдарындағы хаттары мен ескі фотосуреттерін музейге қызы Майра Жайғалиқызы тапсырды.

Тайтеков Аубәкір – 1913 жылы туған. 1942 жылы соғысқа аттанып, 1943 жылы жараланып елге оралған. «Германияны жеңгені үшін» медалімен марапатталған. Соғыстан кейін мұнай саласында еңбек етіп, ел дамуына үлес қосқан. Атасының құжаттары мен марапаттарын музей қорына немересі Тайтекова Тамара тапсырды.

Мұндай естеліктер – батыр бабаларымыздың ерлігі мен есімін ұрпақ жадында мәңгі сақтау жолындағы баға жетпес мұра.
Категория
Атырау Атырауская область
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА