FlyArystan-ның басына бұлт үйірілді

Қазақстанда соңғы кездері ұшақтарға қатысты дау толастамай отыр. Жуырда жасөспірім қызды Астана әуежайында жалғыз қалдырып кеткен оқиға үлкен резонанс тудырған еді.
Анасының айтуынша, 12 жасар егіздер сеніп тапсырылған тұлғамен бірге Нью-Йорктен Астанаға ұшып келген. Жоспар бойынша сол күні Оралға ұшатын рейске отыруы тиіс еді. Алайда, «FlyArystan» әуекомпаниясы қызметкерлері егіздердің біреуін ғана тіркеген. Екіншісі екі чемоданы мен құжатын құшақтап, Астана әуежайында жалғыз қалып қойған. Ол келесі күні ғана Оралға жетті. Егіздердің анасы Жазира Мусина Азаматтық авиация комитетіне шағым түсірді. Комитет «FlyArystan» авиакомпаниясын әкімшілік жауапкершілікке тартты. Сондай-ақ әуекомпанияның ресми өкілі қыздың отбасынан кешірім сұрады.
Одан бөлек осы аптада танымал тележүргізуші Ләйлә Сұлтанқызы FlyArystan әуекомпаниясының ұшағында жарақат алып, компания үстінен арыз жазды. Оның айтуынша, ұшақтың есігі ашылмай, үстіңгі сөреде тұрған ауыр зат бетіне құлап кеткен. Соның кесірінен тележүргізушінің көз тұсы жырылып, қабағы жарылған.
Әуе саласындағы дау-дамай бұнымен бітпейді. Қазақстан әуежайларында биыл жазда тұрақта тұрған бірнеше ұшақ зақымданды. Air Astana сейсенбі күні «Алматы-Бейжің» рейсін дайындау кезінде әуе кемесінің есігін тамақ таситын машина зақымдағанын хабарлады. Осылайша осы айда ғана аталған әуе компаниясының үшінші ұшағы зақымданып отыр. Айта кетейік, бұдан бұрын Астана-Атырау бағыты бойынша ұшуы тиіс ұшақ қатты жел кезінде елорда әуежайында контейнерге соқтығысқан еді.
Осындай оқиғалардан кейін ұшақтарды ауыстыру қажет болады, бұл өз кезегінде рейстердің кешігуіне де әсер ететіні түсінікті. Ұшақтардың жиі кешігуіне байланысты Air Astana мен FlyArystan компанияларына жоспардан тыс тексеру жүргізілетін болды.

Telegram Qaz - t.me/QazAqparat_kz
Telegram Rus - t.me/kazinform_news
Instagram - / @kazinform_kz
Instagram - / @kazinform
Facebook - / @Kazinform
Facebook - / @Казинформ

Jibek Joly online: https://jjtv.kz/kk/live
Cайт - https://kaz.inform.kz/

#kazinform #қазақпарат #Жаңалықтар