TURKSOY 2025! Велосаяхат Бораш Раббим. 5-күн, Маршрут: Өзбекстан Үргеніш

8 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель May 6, 2025

11.04.2025 Өзбекстан Үргеніш - Хазарасп -Үргеніш
TURKSOY 2025!
5-күн, 120 шақырым
Бүгін, кешегі 1995 жылдары қайда барасың десең “Хазарасп”, қайдан келесің десең “Хазарасп” болып дүркіреп тұрған жерге, барып келуге жолға шықтым. Хазарасптан келген тамақ өнімдері Бейнеу арқылы тек Маңғыстау емес, Атырау, Ақтөбе, Оралды да асырады десек артық айтылды демеңіз. Сол Хазарасп 30-ақ мың тұрғыны болса да, көтерме сауда базары Алматының бұрынғы барахолкасын еске түсіреді екен.
Хазарасптың іргесіндегі 50 мың тұрғыны бар Петнак қаласында “Дамас” шағын автобус көліктерін шығарады екен. Яғни біздің Бейнеуде де бір зауыт ашылса???
Өзбекстанның бірде-бір ауылында бос тұрған үй көрмедік. Ауылдар көркейіп бұрынғы үйлер қайта жөнделіп, жаңа тұрғын үйлер салынуда.
Базарлар арасынан ескі қаланың қорғандарының сұлбасын көріп қалдым. Бұл бекіністің қабырғалары саз балшықтан құйылған екен. Бекіністе табылған жәдігерлер бойынша 2700 жыл бұрын негізі қаланған қала делінеді. Хазарасп атауы парысша “мың ат” дегенді білдіреді. Осы бекініс қалада 1000 атты жауынгер тұрған. Бір өкініштісі қорған ішінен жекеменшік үйлер салынып, қорған сол үйлердің қоршауы болып тұр.
Хазараспқа Тама деген ауыл арқылы келіп едік, қайтарда Багот, Найман, Ханка ауылдары үстімен 120 шақырымдай жүріп Үргеніштегі “Жейхун” қонақ үйіне келдік.
Қала ішінде асфальтты кесіп өтіп жатқан релістен белсебетімнің алдыңғы дөңгелегі тайып кетіп, оң тіземді жарақаттап алдым. Түнімен мұз басып, түрлі жақпаларымды жағып, жаттығу жасар аяғымды емдедім. Бұйырса бүгін Әмударияны жағалап Қарақұм мен Қызылқұм шөлдеріне кіреміз….
Раббим