«Мектеп жасына дейінгі және мектеп жасындағы балалармен... » атты облыстық семинар-практикум

«Оқушы Орталығы» КММ «BabySkills» және «Junior Skills» ерте кәсіптік бағдар беру озық жобаларымен бөлісуде
???? 2023 жылдың 27 қазан күні Ақтау қаласы бойынша білім бөлімінің «Оқушы Орталығы» коммуналдық мемлекеттік мекемесінде техникалық және кәсіптік, орта білімнен кейінгі білім беру педагогтері арасында сервис және қызмет көрсету саласы бойынша ІІІ республикалық кәсіптік шеберлік конкурсы шеңберіндегі «Мектеп жасына дейінгі және мектеп жасындағы балалармен ерте кәсіптік бағдарлау жұмыстарының технологиясы мен әдістемесі» атты облыстық семинар-практикум өтті.
▪️ Облыстық семинар-практикумның мақсаты - WorldSkills стандарттары негізіндегі «BabySkills» және «Junior Skills» ерте кәсіптік бағдар беру жобаларын мектепке дейінгі білім беру мекемелерінің, жалпы білім беру орта мектептерінің қосымша білім беру процесіне енгізу бойынша жинақталған үздік тәжірибелермен бөлісу.
▪️Сондай-ақ, өңірдің мектепке дейінгі тәрбие, жалпы білім беру ұйымдарының қосымша білім беру ұйымдарымен «BabySkills» және «Junior Skills» ерте кәсіптік бағдар берудегі озық жобаларын жүзеге асыру бойынша жинақтаған тәжірибені көрсету және 14-17 жас аралығындағы оқушыларды жеңіл өнеркәсіп саласында енгізілетін цифрлық технологияларға үйірме сабақтарында оқыту бойынша жинақтаған тәжірибемен сервис және қызмет көрсету саласы бойынша ІІІ республикалық кәсіптік шеберлік конкурсына келген техникалық және кәсіптік, орта білімнен кейінгі білім беру педагогтерімен бөлісу.
▪️Семинардың жоғары деңгейде өтуіне «Оқушы Орталығы» коммуналдық мемлекеттік мекемесінің «Қолөнер» үйірмесінің қосымша білім беру педагогтері А. Канатова, А. Қосбаева, Г. Сатчаева, Г. Аксанова, Н. Шопанова, М. Сахаева, И. Мешитбаева, Б. Борсанова, Ф. Назарова, Р.Акылова, Г. Изимбердиева, А. Жасмагамбетова, Р. Мурзабаева, сондай-ақ , Ақтау технологиялық қызмет көрсету колледжінің оқытушылары А.Кабдуллина, Ж. Каргамбаева шеберлік сыныптарды көрсетуде белсенділік танытты.
▪️Семинарға №56 «Жұлдыз» бөбекжайы, №11 «Кәусар» бөбекжайы және №6 жалпы білім беру мектебінен барлығы 24 мектеп оқушысы және балабақша тәрбиеленушілері қатысты. Семинар барысында №56 «Жұлдыз» бөбекжайы директоры Иманалиева Айгуль Шабазовна «BabySkills-ерте кәсіптік бағдар беру» атты баяндамасында 3 жылдан астам жинаған тәжірибесімен бөлісті.
▪️Семинар-практикумда тігін саласы бойынша ІІІ республикалық кәсіптік шеберлік конкурсына келген колледж оқытушылары мен өндірістік шеберлері өз таңдауы бойынша «BabySkills» және «Junior Skills» чемпионаттарының «Киім дизайнері», «Киіз өнері», «Цифрлық модельер», «Қолданбалы-сәндік өнері: Матаға сурет салу» құзіреттіліктерінің шеберлік-сыныптарына қатысып, тәжірибелік тапсырмаларды балабақша тәрбиеленушілері және мектеп оқушыларымен бірлесе отырып орындады.
▪️Семинардың тәжірибелік бөлімінде «Оқушы Орталығы» коммуналдық мемлекеттік мекемесінде пилоттық жоба форматында, әлеуметтік серіктестікті тарта отырып, ұсынған тегін САПР және 3Д манекен бағдарламасында «Компьютермен киімді құрастыру, модельдеу және 3Д манекенде алғашқы өлшем алу» үйірмесінің жетекшісі Айдана Темірғалиқызы Қосбаева оқушыларымен бірлесе отырып тігін саласы бойынша ІІІ республикалық кәсіптік шеберлік конкурсына келген колледж оқытушылары мен өндірістік шеберлеріне шеберлік сынып көрсетті.
▪️Жалпы республиканың түкпір-түкпірінен келген қатысушылар семинар-практикум туралы әсерлерін, алған тәжірибелерін, оң пікірлерін білдіріп алғыстарын айтты.
Сервис және қызмет көрсету саласы бойынша ІІІ республикалық кәсіптік шеберлік конкурсының қатысушысы, Атырау қызмет көрсету колледжінің өндірістік оқыту шебері Қомытова Құралай Қомытқызы «Балаларға қосымша білім берудің құндылығы – жас бүлдіршіндердің танымдық ынтасын ынталандыру.
▪️Ең бастысы, қосымша білім беру жағдайында балалар өздерінің әлеуетті қабілеттерін дамытып, заманауи қоғамға бейімделе алады»,- деген ой- пікірін білдірді.
???? Семинарды ұйымдастырушы «Оқушы Орталығы» коммуналдық мемлекеттік мекемесінің оқу-тәрбие жұмысы жөніндегі орынбасары Каримова Алмагүл Каримовна қосымша білім беру жүйесінде білім алушылардың шығармашылық әлеуетін іске асыруға, мамандық таңдауда бағдарлануға, кәсіпке дейінгі дайындықтан өтуге мүмкіндік беру мақсатында жүзеге асырылып жатқан ерте кәсіптік бағдар беру бағытындағы семинарға әр өңірден келген колледж педагогтарына орталық атынан барлық қатысушыларға алғысын білдіріп, Маңғыстау облысының білім басқармасының «Білім берудің әдістемелік орталығы» мемлекеттік мекемесінің арнайы Сертификатын табыстады.