Атырауда базар саудагерлері бас көтерді

Атырауда базар саудагерлері жалға алу ақысының бірден екі есеге көтерілгеніне наразы. Себебі, саудадан бұрынғыдай табыс түспейді дейді сатушылар. Ал шенеуніктер келіссөз жүргізуден басқа қолдан келер қайран жоқ деп қысқа қайырды.
Арман Батырқайыров бұл орынды қазан айында жалға алған. Алғашында нысанның жалдау ақысы 1 миллион 750 мың теңге болған. Бірақ қарашадан бастап базар иесі бағаның екі есе қымбаттайтынын айтыпты. Бұл жаңашылдыққа кәсіпкер келіспейді.
АРМАН БАТЫРҚАЙЫРОВ, сатушы:
– Біз бұл кісінің қойып отырған талабын мүлдем орындай алмаймыз. Ондай ақша таппаймыз. Біз білеміз мына павильон қанша табатынын. Ол туралы бухгалтер де барлығы біледі. Мына жердің өзінің арендасы 1 млн 750 мың теңге төлеген күннің өзінде 20-25 күн жұмыс істейміз.
Қазір павильонның көбі қаңырап бос тұр. Өйткені шу көтерілгеннен кейін кейбір саудагерлер жұмыс істеуді тоқтатқан. Кәсіпкерлердің алды сауда орны үшін 500 мың теңге жұмсаса, ең көбі 11 миллион теңгеге дейін шығындалыпты. Егер жалдау ақысы көтерілсе жығылған үстіне жұдырық болады дейді сатушылар. Сондықтан жаңа талапқа олар да үзілді-кесілді қарсы.
ЕРМЕК ХАБИДОЛЛА, сатушы:
– Біз бұл талапты орындай алмаймыз. Бұрындары қала орталығында жұмыс істедік. Ал бұл орын қаладан қашықта. Ал екіншіден, мұнда біраз шығындалдық. Қымбат құрал-жабдықтар алдық.
Шенеуніктер бұл мәселеден хабарсыз болып шықты. Маман тек істі заң аясында қарап, тиісті жұмыстарды атқарамыз деп сендірді.
МӘЛІК ҚАРИЕВ, Атырау қаласы кәсіпкерлік және ауыл шаруашылық бөлімінің басшысы:
– Қалалық әкімдік бұл істі қарап, келіссөздер жүргізіп, кәсіпкелердің арасындағы келісімшарт аясында зерделеп заң бойынша қарап шығамыз. Қолдан келгенше әкімдік тарапынан көмектесеміз.
Ал, базар иесімен байланысу мүмкін болмады. Саудагерлер жалға алу ақысы екі есеге көтерілсе жұмыс істеуден жаппай бас тартпақ.





Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал