Атыраудың бір бөлігі нәжіс араласқан кәріз суының астында қалды

Атырау қаласының бір бөлігін кәріз суы басты. Нәжіс аралас су аула мен ондаған баспананың ішіне жайылған. Соның кесірінен қақаған қыста жұрт бірнеше күннен бері жақындарының үйін паналауға мәжбүр. Жыл сайын қайталанатын жағдайдан қажыдық деген қараша әкімдіктегілердің әлі күнге дейін орталық кәріз жүйесін тартпағанына наразы. Ал шенеуніктердің айтар өз уәжі бар.
«Жұлдыз -1» ықшамауданына орталық кәріз жүйесі тартылмаған. Сондықтан нәжіс суын тұрғындар өздері қазып алған шұңқырға төгеді. Бірақ құдық қайта-қайта толып кетеді. Бұл жолы лас су жерге сіңбей ауланы ғана емес баспананың ішіне де жайылған.
АЗАМАТ ЮСУПОВ, тұрғын:
– Айтып айтып, айқайлап қызыл кеңірдек жыртылды. Ешкімге керек емеспіз. Келмейді ешкім. Халық міне ашулы болып, жиналды. Шыдам бітті. Септик толып кете береді. Оны да апта сайын ақша төлеп, өзіміз сордырамыз. Өмір сүруге жағдай жоқ.
АМАНГҮЛ ҚАНАТОВА, тұрғын:
– Мына үйді 2008-де салдық. Сол үй құлап қалды жер асты суының кесірінен. Арғы жағында да су толып жатыр.
Қала әкімі бұл мәселеден хабардар. Шаһар басшысы орталық кәріз жүйесін орнату жұмыстары өткен жылы қолға алынғанын жеткізді. Алайда жобалық құжаттама әлі бітпеген екен. Осы жылдың тамыз айында бастаған істі аяқтау жоспарланған.
ШӘКІР КЕЙКІН, Атырау қаласының әкімі:
– Бюджеттен қаражат сұрап, мемлекеттік сатып алу конкурсына жібереміз. Мемлекеттік сатып алу конкурсы арқылы жеңімпаз анықталғаннан кейін Жұлдыз ықшамауданының барлық көшелеріне кәріз жүйелері жүреді.
Жұлдыздықтардың жанайқайын тыңдап, жиналыс өткізген Шәкір Кейкін көпшілікті сәл шыдамдық танытуға шақырды.





Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал