Құлсары қаласы топан судың астында қалды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Атырау облысындағы Құлсары қаласын су басып жатыр. Жем өзені арнасынан тасып, Жылыой ауданында ахуал ушықты. Құтқарушылар мен әскерилер бөгет жасап,тосқауыл қойғанымен топан су ырық берер емес. Қазір орталық көшелер мен кәсіпкерлік нысандардың барлығына айтарлықтай залал келген. Халықты төтеншеліктер эвакуациялап жатыр. Тіпті, қаладағы станциядан Атырауға жолаушылар пойызы жұртты тегін тасымалдауға көшті. Толығырақ аймақтағы ахуалды Жұлдыз Тілеухан айтып берсін.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

Жылыой ауданының орталығы Құлсары қаласында тасқын дес бермей тұр. Жағдай сағат сайын күрделеніп, су басқан баспаналардың саны күрт көбейді. Көшелердің дені дәл осылай көлге айналған. Үрейленген қараша үйлері мен дүние-мүлкін тастап қашуда. Төтеншеліктер де тұрғындарды барынша жылдам қауіпсіз жерге көшіріп жанталасып жатыр.
Тіпті, Құлсарыдан Атырау қаласына дейін жолаушылар пойызы халықты тегін тасымалдауға көшті. Қазір 202 адам эвакцуацияланған. Оның 86-сы бала.
ГҮЛНАФИС АЙШУАҚОВА, Жылыой ауданы әкімінің орынбасары:
– Қазір аудан бойынша қауіпті 16 аймақ бекітіліп отыр. Барлық аймақта штаб мүшелері кезекшілікпен бақылау жұмыстарын жасап жатыр. Тұрғындарымызды Құлсары-Атырау бағытында қатынауға мүмкіндік туғызу үшін 5 вагон қарастырылып отыр.
Жедел штабтың мәліметінше, өңірге Ресейдің Орынбор қаласында орналасқан Ирикла су қоймасынан ағын су тоқтаусыз келіп жатыр. Қазір аталған қоймадан секундына 2 мың текше метрден астам су жіберілуде. Мамандар Жайық өзені тасып Индер, Махамбет аудандары мен қоса Атырау қаласына қауіп төнуі әбден мүмкін дейді.
ЖАСҰЛАН БИСЕМБИЕВ, Атырау облысы әкімінің орынбасары:
– Атырау қаласынан Ирикла су қоймасына дейін 1700 км құрайды. Осы есептеумен судың келу уақытын 2 апта ішінде деп жоспарлап отырмыз. Қазіргі таңда елдімекендердің айналаларын дамбамен қоршау жұмыстары жүргізіліп жатыр. Атырау қаласында 100-ден астам арнайы техника жұмылдырылған болатын. Дамбалардың орташа биіктігі біздегі мәліметтер бойынша 3 метрді құрап отыр.
Жайық өзенінің деңгейін бақылау үшін барлық елдімекеннің тұсына гидро пункт орнатылған. Сонымен қатар, қалада 80-ге жуық уақытша паналау орталығы дайын тұр. Олар негізінен балабақша, мектеп, аурухана сияқты әлеуметтік нысандар.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық