Дзюдодан Қазақстан құрамасы елге ұшып келді | Jibek Joly news

Париж Олимпиадасында екі медаль иеленген дзюдошыларымыз бүгін елге оралды. Елдос Сметов пен Ғұсман Қырғызбаев бастаған спортшыларды туыстары мен жанкүйерлері қарсы алды.
Ала таңмен Алматының әуежайында ине шаншар орын болмады. Париж төрінде көк байрағымызды желбіретіп 1 алтын мен 1 қола иеленген дэюдошыларды мыңдаған жанкүйер қарсы алды.
Бақтыбай Сметов, Елдос Сметовтың әкесі:
– Көңіл күйді сөзбен жеткізу қиын. Өте қуаныштымыз. Керемет. Мына артта келе жатқан спортшыларға сәттілік тілейміз. Елінің туын желбірететін, алтын тағатын жас ұрпақтарымыз көп болсын.
Жанкүйерлермен кездесуден кейін Олимпиада чемпионы Елдос Сметов бірден туған өлкесі Таразға жол тартты. Спортшы кездесуге келген қатысушыларға алғысын білдіріп бейнехабарлама жазыпты.
Елдос Сметов, Париж Олимпиадасының алтын жүлдегері:
– Бүгінгі іс-шарада мені құрметтеп күтіп алып, маған уақыт бөліп келгендеріңізге үлкен алғысымды айтамын. Жеңісті күндеріміз көп болсын. Көк туымыз көкте желбірей берсін. Олимпиадада ел намысын қорғап жатқан спортшыларымыз қоржынымызды алтынға толтыра берсін.
Ал Париж Олимпиада ойындарында қола медаль иегері атанған татами шебері Ғұсман Қырғызбаев әуежайдан шыға сала су жаңа қымбат көлік мінді. Темір тұлпарды спортшыға Алматы қаласының Дзюдо федерациясы сыйлады. Қорғаныс министрлігінің Орталық спорт клубының әскери қызметшісіне сондай-ақ, мерзімінен бұрын капитан атағы берілді.
Ғұсман Қырғызбаев, Париж Олимпиадасының қола жүлдегері:
– Өте қуаныштымын! Қазақ еліне қола медаль сыйлағаным үшін. Бұл баршамыздың жеңісіміз. Қуаныштымын. Рахмет, барша қолдау көрсетіп келген жанкүйерлерге. Барлығына алғысым шексіз.

Бұл Дзюдодашылар үшін тарихи жеңіс. Татами шеберлері осы жолы ел қоржынына екі медаль салды.

«Jibek Joly» телеарнасы ұсынады! Теледидардан 7-ші кнопканы қосуды ұмытпа!
Бізді Youtube, әлеуметтік желілерден көріңіздер. Видео астында пікір қалдыруды ұмытпаңыздар!

Jibek Joly TV: Смотрите нас на ТВ, в Youtube и социальных сетях. Оставляйте комментарии под этим видео!

Watch us on satellite TV, Youtube and social networks. Leave your comments under this video!

#JIBEKJOLYNEWS #ҚазақстанЖаңалықтары #НовостиКазахстана