Педагогикалық нұсқаулық: миссия, көшбасшылық, ЮНЕСКО

6 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Oct 3, 2026

Қостанай облысы әкімдігі білім басқармасының «Рудный қаласы білім бөлімінің №8 жалпы білім беретін мектебі» КММ-де ұстаздық жол, білім беру саласындағы көшбасшылық және ЮНЕСКО бағытындағы жұмыстар туралы мазмұнды подкаст-сұхбат ұйымдастырылды. Подкаст қонақтары – директордың тәрбие ісі жөніндегі орынбасары Жалдыбаева Гульфира Шарапбекқызы және директордың дарынды балалармен жұмыс жөніндегі орынбасары Айназарова Жаңагүл Құдайбергенқызы. Сұхбат жүргізуші – Кадырова Айгуль Кеулимкосовна.
Сұхбат барысында қонақтардың ұстаздық мамандықты таңдауына не себеп болғаны, директордың орынбасары болу туралы ұсынысты алғаш естіген кездегі сезімдері мен жауапкершілігі сөз болды. Сонымен қатар мектепте ЮНЕСКО аясында атқарылып жатқан жұмыстар, жүзеге асырылып жатқан бастамалар мен жобалар туралы әңгіме өрбіді. ЮНЕСКО қызметінде ерекше мән берілетін «сапалы білім» ұғымына тоқталып, «Сіз үшін сапалы білім деген не?» деген сауал төңірегінде қонақтар өз ой-пікірлерімен бөлісті.
Подкаст соңында еркін әрі қызықты блиц-сұрақтар қойылды: «Сабақ па, әлде жиналыс па?», «Қатаңдық па, әлде түсіністік пе?», «Шай ма, кофе ме?», «Таңғы мектеп пе, әлде түскі мектеп пе?», «Бір сөзбен ұстаздық жолыңызды қалай сипаттар едіңіз?».
Бұл подкаст – ұстаздық мамандықтың мәнін, мектептегі басқарушылық қызметтің жауапкершілігін, сапалы білім мен ЮНЕСКО құндылықтарын ұстаздардың жеке тәжірибесі арқылы танытатын ашық әрі мазмұнды сұхбат.