Талғар қаласының шетінен Шерзат Болаттың ағасы Нұрқанат Ғайыпбаевтың мәйіті табылды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr

Бүгінгі шығарылымда:
Алматы облысы Талғар қаласының шетінен адам қолынан өлген 16 жастағы Шерзат Болаттың ағасы Нұрқанат Ғайыпбаевтың мәйіті табылды. Осыдан 2 ай бұрын болған жанжалда жапа шеккен 30 жастағы азамат, полицияның хабарлауынша, өзіне қол салған. Құзырлы органдар бұл нұсқаға айғақ ретінде тергеу барысында анықталған марқұмның "туыстарымен қоштасып, інісінің жанына жерлеуді сұраған" жазбасын ұсынып отыр. Ал "суицид жасалды дегенге сенбейміз" деген жәбірленуші тарап пен адвокаттар бұл хабарламаға экспертиза талап ететінін айтты. Тақырыпты әріптесім Оразай Нұртайұлы жалғастырсын.
Осыдан 2 ай бұрын ғана бозбаласын жерлеген әулет бүгін тағы бір азаматын жоқтап қалды. Кеше ғана кешкі асын ішіп, көлігімен сыртқа шығып кеткен 30 жастағы Нұрқанат Ғайыпбаев өткен түнде ауыл шетінен өлі күйде табылды. Полицияның хабарлауынша, тергеу барысында марқұмның туысының біріне қоштасу хат жазып, өзін інісі Шерзат Болаттың қасына жерлеуді сұрағаны анықталған. Ал адвокаттар жазбаға қатысты тексеріс болатынын айтты.
САИДА ТӘУЕКЕЛОВА, адвокат:
– Шерзат Болаттың өліміне қатысты тергеу аяқталып қалған. Сотта жәбірленуші тараптан негізгі сөзді Нұрқанат Ғайыпбаев айтады деп дайындалғанбыз. Өйткені ол жанжалда 3 жерінен пышақталып, ауыр жарақат алып, аман қалған жәбірленуші, әрі куәгер еді. Бүгінгі суыт хабар отбасы үшін, біз үшін үлкен трагедия. Марқұм психологиялық тұрғыда төзімді болған. Әзірге кесіп айту қиын. Тергеу жұмысына біз де қатысамыз.
ОРАЗАЙ НҰРТАЙҰЛЫ, тілші:
– Полиция таратқан мәліметке сүйенсек, марқұм Нұрқанат Ғайыпбаев үйінен өткен түнгі сағат 11 жарымда шығып кеткен. Адвокаттардың айтуынша, оның мәйіті 16 жастағы Шерзат Болат жерленген зират жақтан табылған. Алдын ала болжам бойынша 30 жастағы азамат асылып өлген.
Марқұмның ағасы Қаржаубай Нұрымовтың айтуынша, Нұрқанат Ғайыпбаев түнде көлігін зират қақпасының алдына қалдырып, қарама-қарсы жатқан саймен жалғыз өзі төмен түскен. 30 жастағы азаматтың денесін туыстары қарда қалған ізіне түсу арқылы анықтаған. Мәйіт тоғайдағы ағаштың бірінде отырған күйде табылыпты.
Қылмыстық іс қозғаған полиция бүгінде тергеу жүргізуде. Түнде табылған Нұрқанат Ғайыпбаевтың денесі бүгін туыстарына берілді. Марқұмның жақындары уәжін айтудан бас тартты. Бірақ олар 30 жастағы азаматтың ауыл шетінде асылып, өзіне қол жұмсады деген нұсқаға күмәнмен қарайды. Айта кетсек, көз жұмған Нұрқанат Ғайыпбаев Шерзат Болаттың өліміне әкелген жанжалда соққының астында қалып, бірнеше жерінен пышақ жарақатын алған жәбірленушінің бірі болған.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық