Шерзат Болаттың ата-анасына тиесілі үй өртенгеннен кейін Талғардағы қауіпсіздік күшейді

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Қатыгездікпен өлтірілген 16 жастағы Шерзат Болаттың ата-анасына тиесілі үй өртенгеннен кейін Алматы облысы Талғар қаласында қауіпсіздік шарасы күшейді. Бүгінде Ұлттық ұлан сарбаздары мен полиция қызметкерлері елдімекеннің кіреберісі мен шығаберісінде кезекшілік құрған. Олар марқұмның туыстары тұрып жатқан үйді де бақылауда ұстап отыр. Тақырыпты әріптесім Оразай Нұртайұлы жалғастырсын.
16 жастағы Шерзат Болаттың өлімінен кейін 1 апта өткенде оның әке-шешесі тұрған үй отқа оранды. Оқиға салдарынан зардап шеккендер жоқ. Баспана иелері сол түні туыстарының үйінде болған екен. Олардың өзі бұл жайтты көршілерден естідік деп отыр.
ПЕРИЗАТ НҰРЫМОВА, Шерзат Болаттың туысы:
– Жан-жағымызды сыпырып, тазалап, жуып кеткен болатынбыз. Жетісін мына жақта өзіміз, ағайын-туыстарға береміз дедік. Бейіт басына барамыз, тас қоямыз, иіс шығарамыз деп дайындалып жүрген адамдар едік. Нақты болсын, әділ болсын деп қарап, күтіп отырған кезде осындай жағдай болды.
ОРАЗАЙ НҰРТАЙҰЛЫ, тілші:
– Түгі қалмай жанып кеткен үйдің маңы бүгінде осылай түгел қоршалған. Аумақты полиция қызметкерлері торуылдап отыр. Көше бойына әскери техника да қойылған.
Баспанасы өртенген ерлі-зайыптылар мен олардың 4 баласы бүгінде туыстарының үйіне орналасқан. Тәртіп сақшылары ол аумақты да күзетіп отыр.
ЖҰМАБИКЕ ХАДИРОВА, Шерзат Болаттың әжесі:
– Патруль тұр, анау жерде бір патруль тұр. Бірақ сол үй өртенбей тұрып соны жасағанда бұлай болмас па еді?! Кім біледі. Енді құдайдың қалауы шығар. Көндік, көрдік. Баламның жанын алып кеткен адамдар жазаларын алсын деймін. Қалған дүние болып жатса, көре жатармыз уақыт сәтімен.
Алматы облысының прокуроры үйді өртеу дерегі бойынша тергеу жүріп жатқанын, оқиға орнынан барлық айғақтар алынып, тиісті сараптама тағайындалғанын мәлімдеді. Ал жеткіншек өлген Талғар қаласы бүгінде құзырлы органдардың жіті бақылауында. Көше бойында қаруланған полиция қызметкерлері кезекшілік құрып, ауданға кіріп-шыққан кей көліктерді тексеріп жатыр. Қоғамдық тәртіпті сақтау мақсатында елдімекенге Ұлттық ұлан сарбаздары да тартылған. Айта кетсек, қазанның 3-нен 4-не қараған түні Талғардағы дүкеннің бірінде төбелес болып, салдарынан 16 жастағы Шерзат Болат ажал құшқан еді. Оқиғаға қатысты полицейлер 7 күдіктіні қолға түсірген.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық