Текелі маңындағы өзенде балықтар қырылып жатыр

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Текелі маңындағы өзенде балықтар қырылып жатыр. Бүгінде Жетісу облысына қарасты Шажа өзенінің жағалауы су жәндіктерінің өлексесіне толып кеткен. Тау етегіндегі судағы балықтардың жаппай қырылуына не себеп? Жағдай айдың басында анықталса да жауаптылар неге өлекселерді зертханаға жібермей отыр? Әріптесім Меруерт Сабыртай жалғастырады.
МЕРУЕРТ САБЫРТАЙ, тілші:
- Міне, байқағандарыңыздай өзен жағасы өлексеге толы. Әр аттам сайын 4-5 балық өліп жатыр. Негізі, албырт тұқымдас балықтар ағынға қарсы жүзетін "асау" келеді. Ал суда жүзіп жүргендері әлсіз, денесін ақтаңғақ басып кеткен.
Сергей Шумилин осы жерде 30 жылдан бері балық аулап келеді. Мұндай жағдайды алғаш көріп отырғанын айтады. Ол су жәндіктеріне кесел қазан айының басында жабысты деп отыр. Сол күннен бері құзырлы орган өкілдеріне қанша айтсам да өзен жағасындағы балық өлекселері әлі жиналмады. Суды мал ішіп жатыр. Ал, адамдар ішсе соңы не болмақ деп алаңдаулы.
СЕРГЕЙ ШУМИЛИН, Текелі қаласының тұрғыны:
Аударма: Балық инспекциясы басшысының орынбасарына хабарластым. Ол маған дүрбелең тудырма деді. Бұл жаппай қырылуға жатпайды, Қапшағайдағыдай емес деді. Бірақ біз үшін бұл экологиялық апат. Біз қандай органдарға жүгіну керек екенін білмейміз. 4 қазаннан бері 16 күн өтті ешбір нәтиже жоқ. Бұл өзен Қараталға қосылып, Балқашқа құяды, қауіпті ғой.
Инспекция мамандары судан сынама алып тексеруге жіберген. Құрамы таза, ешқандай қауіп жоқ деп отыр. Ал, өлген балықтарды зертханаға өткізбеген екен. Өйткені Жетісу облысында балық зерттейтін бір де бір мекеме жоқ. Сол себепті Алматы сияқты үлкен қалалардағы ғалымдарға қарап отыр.
БОЛАТ ТҰМБАЕВ, Қаратал балық инспекциясының бөлім басшысы:
- 5 қазан күні Шажа өзеніне барып, судың сынамасын алып, қырылған балықты жинап экология мен СЭС-ке өткізгенбіз. Енді бүгінгі таңда наукадан кісілерді күтіп отырмыз. Ертең таңертең соған шығып, бүкіл балықты жинап институтқа жібереміз.
Балық инспекциясы өкілдері Шажадан балық аулауға болмайды деп ескерткен екен. Өйткені таулы жерлерде арнайы бекеттер жоқ деп отыр.
---------------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
Бишімбаев ісі - https://www.youtube.com/playlist?list=PLn2OyECVOtB_FbllgPvsOq8eVgeS9z23D
Су тасқыны бойынша барлық ақпарат - https://www.youtube.com/playlist?list=PLn2OyECVOtB_MUhn2TPZ7THLuV8bACcf0
Жұмбақ өлімдер - https://www.youtube.com/playlist?list=PLn2OyECVOtB_rtU3U5fjx1aIHFojuZOJr
Біз барлық әлеуметтік желідеміз, тіркеліңіз:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық