Қызылорда облысының екі бірдей ауданында жылқылар жаппай қырылып жатыр

17 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Aug 17, 2026

Жайылымдағы жұт. Қызылорда облысының екі бірдей ауданында жылқылар жаппай қырылып жатыр. Даладағы үйір-үйір Қамбар ата төлі шілде айынан бастап белгісіз дертке шалдыққан. Басы ісініп, жағы қарысқан аттар көп ұзамай арам қатады екен. Шаруалар жайылым жер өлексеге толса да, мамандар қандай ауру екенін әлі күнге білмей отыр дейді. Әріптесім Абай Нұржанұлы толықтырады.
АБАЙ НҰРЖАНҰЛЫ, тілші:
Міне, мына жылқының ауырып бастағанына бір аптадай уақыт болды дейді иесі. Яғни басы ісіп, жағы қисайып кеткен. Соның кесірінен жануар жем-шөп жей алмай қалған. Тіпті су да іше алмайды екен. Сондықтан жайылымда жүрген жерінен қораға әкеліп қамауға мәжбүр болдық деп отыр.
Бұл – Жалағаш пен Сырдария аудандарындағы шаруалардың жылқылары. Ауызына салған бір уыс шөптің өзін шайнай алмайтын күйге түскен ірі қаралардың жағдайы аянышты. Белгісіз дерттің белгілері алғаш рет шілде айында шығыпты.
АМАНДЫҚ ҚИЯСОВ, Сырдария ауданының тұрғыны:
Ауызына шөп тістеп алып жүреді де қояды. Уже миы жұмыс істемей қала ма? Кезіп жүре береді. Бір апта, 4-5 күн аралығында өліп қалып жатыр. Менен 5-6 бас кетті.
Тіпті кейбір шаруалар үйір-үйір жылқымыз арам қатып, жайылым өлексе толды деп күйінеді. Бірақ оның санын есептеп жатқан маман жоқ дейді. Ол аздай, жылқыларымызды жалмаған аурудың емін де тауып бермеді деп ашулы.
АМАНГЕЛДІ ЖҮСІПОВ, Жалағаш ауданының тұрғыны:
Менен шынымды айтайын, қораға келіп өлгені 20 бастың үстіне кетті мал. Енді малдың анализін алып диагнозын айтса, бір бас малға 15-20 мың болса да дәрісін алып салар едік қой. Оны да айта алмай тұр ғой.
Шаруалар шығынға баттық деп шыр-пыр болып жатса, ветеринарлар ахуал тұрақты дейді. Ал нақты қандай ауру екенін анықтау үшін сараптаманың нәтижесін күтуден басқа амалымыз жоқ деп ақталады.
НҰРЛЫБЕК ДӘУЛЕТБАЕВ, Сырдария аудандық ветеринариялық станциясының директоры:
Бұл жөнінде біз енді облыстық ветеринариялық басқармаға ауырған малдардың қан сынамаларын жолдадық. Енді біз зерттеу қорытындысын күтуіміз керек. Өзіміз су ауруы деп болжап отырмыз. Біз енді алдын ала егіп, қазір енді эпизотиялық ахуал тұрақты.
Сондай-ақ мамандар бұл жұқпалы ауру болмағандықтан иелеріне өтемақы берілмейді деп кесіп айтты. Бірақ шаруалар қазір мемлекеттің қаржысы емес, малдарының амандығына алаңдап отыр.

#Информбюро #31арна #БастыЖаңалықтар #Новости #31канал