Түнде үйден шығып кеткен 29 жастағы әйелдің мәйіті құбырдың ішінен табылды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Кісі қолынан қаза тапты! Түркістан облысында денесі құбырдың ішінен табылған Рима Черныхтың туыстары осылай деп шағымданды. Бақытты өмір сүрген жақынымыздың аяқ асты өзіне-өзі қол салуы мүмкін емес дейді. Сондықтан олар полиция бапты өзгертіп, күдіктіні іздеу керек деп отыр. Жантүршігерлік оқиғаның жай-жапсарын әріптесім Назерке Үкібасова біліп қайтты. ---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq

Бүгінгі шығарылымда:

Черных отбасы жақында ғана келіндерін жер қойнына тапсырған. 29 жастағы Рима Черныхтың мәйіті 18 наурызда ауыл маңындағы құбырдың ішінен табылған еді. Түн ішінде үйден шығып кеткен әйелдің жұмбақ өлімі тұтас Майтөбе ауыл жұртын есеңгіреткен. Үш баласы бар, күйеуімен қарым-қатынасы жақсы болған келіншектің өзіне-өзі қол салуы мүмкін емес дейді марқұмның енесі. Жақындарының мұндай пікір білдіруге себеп те көп екен.
СВЕТЛАНА ЧЕРНЫХ, марқұмның енесі:
– Біз барғанда құбыр астынан келініміздің “құтқарыңдар” деген дауысы шықты. Астында ауа жетпей өлі күйінде шығарылды. Бір бүйірі көгерген, маңдайы соғылған, екі саусағы сынған, шашы жұлынған. Жағдайды ауыл тұрғыны хабарлаған. Барғанда сол ер адам тұрды. Екеуміз бірге келдік дейді. Бірге келсе, неге құтқармаған? Адам өлу үшін сонша алысқа басқа адаммен бармайды ғой. Ал, полиция болса оны не тергеген жоқ, не қамаған жоқ.
Қайғылы оқиға күні марқұмның күйеуі Михаил Ресейде жұмыс бабымен жүргенін айтады. Жігіт ағасы жұбайыммен телефон арқылы тілдестім, арамызда ұрыс-керіс болмады деп отыр. Оның айтуынша, жары құбыр ішінен табылғанда жалаңаяқ болған. Күннің суығында тау бөктеріне аяқ-киімсіз бару мүмкін емес дейді.
МИХАИЛ ЧЕРНЫХ, марқұмның күйеуі:
– Куәгер әйеліммен бірінші тауға барғанын айтады. Ол бірінші таудан секірмек болыпты. Сосын құбырдың жанына барған. Сол жерде өлемін деп ішіне сүңгіп кетіпті. Ол адам сыйып кететін жер емес. Өз көзіммен көрдім. Бұл жерде шикілік көп.
Қара жамылған отбасы полицейлердің бүгінге дейін қимылсыз отырғанын айтады. Тек әлеуметтік желіде шағымданып, жазба қалдырған соң қозғала бастағанын жеткізді.
ТҮРКІСТАН ОБЛЫСЫ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ:
– Қазіргі уақытта полиция "өзін-өзі өлтіруге дейін жеткізу" бабы бойынша тергеу жүргізуде. Нәтижелері бойынша заңды процессуалдық шешім қабылданатын болады. Оқиғаның барлық мән-жайы анықталуда.
40 метр тереңдіктегі құбырдың ішінен табылған марқұмның артында кәмелет жасына толмаған үш баласы қалды. Үлкені 9 жаста болса, кенжесі 4 жаста.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
WhatApp - https://whatsapp.com/channel/0029VaDmFd0G8l5LLZKA3o19
TikTok - https://www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық