Түркістанда жалдамалы пәтерден екі баланың мәйіті табылды

БІЗДІҢ YOUTUBE АРНАҒА ТІРКЕЛІҢІЗ: https://www.youtube.com/@informburo31kanal?sub_confirmation=1
---------------------------------------------
Түркістанда жалдамалы пәтерден екі баланың мәйіті табылды. 4 және 5 жасар ұл мен қызды өлтірді деген күдікпен олардың анасы ұсталды. Ол Қызылорда облысы Шиелі ауданының тұрғыны. 31 жастағы келіншек 10 жылдан бері мектепте мұғалім болып жұмыс істейді екен. Полицияның мәліметінше, әйел қылмыс жасап, ізін суытпақ болған. Толығырақ әріптесім Нәзерке Үкібасова айтып берсін.
---------------------------------------------
Теңдессіз жобамызға көз салыңыз: https://www.youtube.com/playlist?list=PLn2OyECVOtB8ZSSBwiA43xi-_dRdDnFhq
НАЗЕРКЕ ҮКІБАСОВА, тілші:
— Жантүршігерлік оқиға кеше түскі сағат бірлер шамасында дәл осы пәтерде болған. 31 жастағы әйел кәмелет жасына толмаған екі баласын осы үйдің ішінде өлтірді деген күдікке ілінген. Қазір қылмыс болған баспанаға ешқандай белгі қойылмапты. Көпқабатты үйдің тұрғындары ешқандай дауыс естімедік деп отыр.
Жалдамалы пәтерге келіншек балаларын алып, жақында келген көрінеді. Жалпы, күдікті Қызылорда облысы Шиелі ауданының тұрғыны. №46 мектепте 10 жылдан бері мұғалім болған екен. 7 ақпан күні жұмысқа келмеген педагог басшылыққа бұл туралы ескертпепті. Ата-енесімен бірге тұрған әйел өзін тек жақсы қырынан көрсеткен еді дейді әріптестері.
АСҚАРБЕК ЕСЖАНОВ, Қызылорда облысы білім басқармасының басшысы:
— Мектеп әкімшілігімен сөйлескенде ол азаматшаның ұжыммен, ата-аналармен, балалармен қарапайым тіл табысқыштығы, ақжарқын мінезділігі анықталып отыр. Оның бергі жағында балаларды оқытуда бірталай жетістікке жеткен. Тиісті алғыс хаттармен мараптталған. Әріптестердің айтуынша ешқандай мінезінде ауытқушылық байқамаған. Диспансерлік есепте тұрмайды. Өзі толыққанды отбасы. Жұбайымен бірге тұрады. Ата-енесі кәдімгі толық отбасы.
Күдікті қылмыс жасайтынын туған-туысына хабарлаған дейді балалар омбудсмені Динара Закиева. Осыдан кейін әлеуметтік желіде қайғылы оқиға болған үйден шығып бара жатқан әйелдің видеосы тарады. Болжам бойынша ол күдікке ілінген ана. Полиция араға бір тәулік салып іздеудегі 31 жастағы әйелді Шымкенттегі қонақ үйден тапқан.
МҰРАТ ҚАБДЕНОВ, Түркістан облысы полиция департаментінің бастығы:
— Қабылданған шаралардың нәтижесінде жедел уәкілдер күдіктіні Шымкент қаласындағы қонақ үйлердің бірінде ұстады. Адам өлтіру фактісі бойынша барлық мән-жайларды анықтау мақсатында тергеу жүргізілуде. Тиісті сараптамалар тағайындалды. Күдікті әйел қамауға алынды.
Ажал құшқан балақайлардың үлкені 5 жастағы ұл болса, екіншісі төрт жастағы қыз. Қанды қылмыстың жай-жапсары тергеу барысында белгілі болмақ.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31

#Информбюро #31арна #БастыЖаңалықтар #АқиқатынАйтайық