Қызылордада балалар ауруханасында 14 жастағы қыз көз жұмды

16 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Oct 21, 2026

Қызылорда қаласындағы балалар ауруханасында 14 жастағы қыз көз жұмды. Ата-анасының айтуынша дәрігерлер әу баста миына қан құйылып, ауыр жағдайда барған жеткіншектің асқазанын емдеген. Ал қан тамырларындағы ақауды оқушы тек ес-түссіз күйге түскенде ғана анықтады деп отыр. Дер кезінде тиісті медициналық тексеру жүргізбегеннің кесірінен қызымыздан айырылдық деген отбасы дәрігерлердің жазалануын талап етеді.
Бұл 14 жасында көз жұмған Кәмшат Сераштың бөлмесі. Оқуда озат әрі өнерлі қызымыз осында жалғыз қалып, сурет салғанды ұнататын дейді ата-анасы. Ал енді екі жарым айдан бері иесіз тұрған бөлменің қабырғаларында оқушының естеліктері ғана сақталған.
Шілде айында қызымыз кенеттен қайта-қайта құсып, басы ауырып қатты қиналды дейді ата-анасы. Содан жедел жәрдеммен дереу ауруханаға жеткізген екен. Айтуларынша дәрігерлер жасөспірімнің асқазанында ақау бар деп емдей бастаған. Алайда ауруы одан сайын асқынып, сол түні қызымыз есінен танып қалды дейді. Бір апта жансақтау бөлімінде жатқан оқушы есін жимастан көз жұмған. Бірақ жеткіншектің ажалына асқазан ауруы емес, миына көп мөлшерде қан құйылып кеткені себеп болған деп күйінеді ата-ана.
ТАЛҒАТБЕК ЖҰМАЕВ, Кәмшат Сераштың Әкесі:
-Неврология бөліміне жататын баланы олар гастрентология бөліміне жатқызған. Сөйтіп ешқандай аппаратқа салмаған. Тексермеген. Сөйтіп қан көп көлемде кеткен баланың үшінші стадья деп. Құсық басатын дәрілер салған одан. Оның бәрі кері әсер етіп, инсультын күшейтіп жіберген. Нақты кінәлі бұл жерде балалар ауруханасының педиатор врачы. Дұрыс диагноз қоймаған.
Яғни отбасы қызды дер кезінде толық тексеріп, тиісті ем жүргізе алмаған дәрігерлерді кінәлайды. Ал ақ халаттылар болса, бұл жағдайға байланысты тұшымды жауап беруден бас тартып отыр.
Кәмшат Сераш үйінің тұңғышы болған. Қолынан көп нәрсе келетін қызымыздың арманы да көп еді деп қайғырады ата-ана. Сондықтан дәрігерлердің заң алдында жауап беруін қалайтын отбасы қазір құзырлы органдардың табалдырығын тоздырып жүр.

#Информбюро #31арна #БастыЖаңалықтар #Новости #31канал