Қызылордалықтар жарық бағасының бірден екі есеге көтерілгеніне қарсы шықты

27 Просмотры

Спасибо! Поделитесь с друзьями!

Вам не понравилось видео. Спасибо за то что поделились своим мнением!

Издатель Sep 12, 2026

Қызылорда қаласының тұрғындары тарифтің қымбаттағанына қарсы. Өйткені электр энергиясы бірден екі есеге көтерілген. Жұрт елде жоқ бағаның қайдан шыққанын түсінбей дал. Тіпті, абонент-тердің дербес шоты өзгеріп, көпшіліктің наразылығын туғызған. Тұтынушылардың сөзінше, бұл мәселе бірыңғай төлем жүйесі енгізілгеннен кейін басталған.
Жаңа төлем жүйесінің кесірінен шығынға баттым деген тұрғындардың бірі - Әсел Жолбосынова. Соңғы айда аядай ғана екі бөлмелі пәтердің электр жарығына келген коммуналдық төлемді көріп жағамды ұстадым дейді келіншек. Айтуынша, тоқты аз пайдаланғанның өзінде бұрынғыдан бірнеше есе қымбат төлеген. Ол аздай, дербес шотты да шатастырып жіберген деп ашулы.
ӘСЕЛ ЖОЛБОСЫНОВА, Қызылорда қаласының тұрғыны:
20 мыңнан аса шығарып тұрды да, бірақ қағаз тастап кетіпті. 33 мың 262 теңге шығарып. Ол не деген масқара деп мен сұрасам, басқа лицевой счетпен ауысып кетіпті деп кешірім сұрап жатыр. Біз мысалы келген сайын светті өшіріп кетпесін деп төлеп отырамыз ғой. Бізде газ жоқ кезде, 3 мың төлейтінбіз. Ол кезде біз пеш қолданамыз, плита қолданамыз.
Тіпті, бір ай ішінде электр жарығына бірнеше рет төлем жасауға мәжбүр болған жандар да бар екен. .
АЙГҮЛ ИЗЕМҒАЛИЕВА, Қызылорда қаласының тұрғыны:
Басқа суммалар да келе береді маған. 2400, 6600 деп. Ол неге көп мен соны түсінбей тұрмын. Толық емес отбасымын дедім. Табыс тауып отырған ешкім жоқ мына сумма көп дедім. Жарайды, қарастырамыз деген. Қарастырғаны мынау ма, одан сайын көбейтіп жіберді.
Жұрт биыл іске қосылған «Алсеко» компаниясының төлем жүйесі қалтамызды қағып отыр дейді. Акционерлік қоғамның өкілдері бұл бағдарлама барлық коммуналдық шығынды бір жерге төлеу үшін енгізілгенін жеткізді. Сондай-ақ платформада қателік кетуі де мүмкін екенін жасырмайды.
АЛЕКСЕЙ БОЗЖАНОВ, «АЛСЕКО» АҚ коммерциялық директоры:
- Біз коммуналдық қызметкерлер жіберген мәліметтер бойынша төлем ұсынамыз. Мәселен бізге тұтынушы 10 мың теңгеге электр энергиясын пайдаланса, біз сол соманы көрсетеміз. Мүмкін кейбір кезде қателіктер болуы мүмкін. Тұтынушылардың шағымы бойынша жұмыс істейміз. Бұл өңірде бірінші рет жұмыс істеп жатырмыз.
АБАЙ НҰРЖАНҰЛЫ, тілші:
Жауапты компанияның өкілдері шағымдардың әрқайсысы жеке-жеке қаралып, кеткен қателіктерді түзетуге уәде берді. Ал тұрғындар артық төлемдерінің қайта есептеліп, мәселенің тезірек шешілуін күтеді.

#Информбюро #31арна #БастыЖаңалықтар #Новости #31канал