Үйлері сүрілуге кеткен атыраулықтар әкімдік бекіткен бағамен келіспей шу көтерді

Сегіз миллионға үй ала алмаймыз! Атырау облысы Жылыой ауданында сүрілетін баспананың тұрғындары бағалаушылардың бекіткен бағасымен келіспейді. Жұрт шенеуніктер ұсынған ақшаға үй тұрмақ сарай алуға келмейді деп налиды. Ал әкімдіктегілер екіқабатты ескі үйлерді жаппай бұзып орнына Арбат салуды жоспарлаған. Тараптарды әріптесім Жұлдыз Тілеухан тыңдап келді.
Шенеуніктер былтыр әкімдік алдындағы 2 қабатты 12 пәтерлік бұл тұрғын үйлер сүріліп, орнына Арбат салынатынын айтқан. Тіпті ол үшін Астанадан арнайы тәуелсіз сарапшы шақыртып, баспаналардың нарықтағы құнын да есептеп қойған. Бірақ, бұқара бағалаушылар бекіткен 5-8 миллион теңгеге үй түгіл сарай алуға да келмейді деп ұлардай шулады.
ЗУБАРЖАТ НЫҒМАТУЛЛИНА, Жылыой ауданының тұрғыны:
– Оценка бойынша 3 комнаталы квартираға бұлар 8 миллион, 1 комнаталы квартираға 5 миллион ғана қарапайым халыққа беріп отыр. Біз наразылығымызды білдіреміз. Құлсары да жоқ ондай үй. Бізге тимеңдер, тыныш өмір сүріп жатырмыз. Сендерден ештеңе сұрап жатқан жоқпыз деп. Олар жоқ, мәжбүрлі түрде сендер шығарыласыңдар,- дейді.
АЙМАН ДУРШАКОВА, Жылыой ауданының тұрғыны:
– Бізді шақырып алып айтты ғой. Мына үйде босатасыңдар, орнына Арбат, ойын алаңы салынады деп. Біздер айттық ол ақшаға ештеңе ала алмаймыз. Бізге дайын үй беріңдер немесе ақшаны көбейтіңдер деп.
Алайда тұрғындардың талабын тыңдауға аудан әкімі келмеді. Тек салаға жауапты бөлім басшысын жіберіпті. Атқамінердің сөзінше, заңға сәйкес толық бағалау жұмыстары жүргізілген. Сондықтан тұрғындарға сотқа жүгінуге кеңес береді.
САЯН БАСИЛОВ, Жылыой аудандық тұрғын үй инспекциясы бөлімінің басшысы:
– Бұл тұрғындар бағалау тұжырымдамасына келіспей отыр. Енді біз оларға түсіндірдік. Егер бұл бағалауға келіспесеңдер, бізді сот инстанциясына беріп, бағалауды қайта жүргізуге болады. Тәуелсіз. Біз оценочный компания берген бағаны ғана төлеуге қақымыз бар. Себебі одан артық төлей алмаймыз.
Бірақ әкімдіктегілер тұрғындармен ортақ мәмілеге келмей үйлер әзірге сүрілмейді деп сендірді.






Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал