Ұрпақтан ұрпаққа мұнайшылықты мирас етіп, еңбекпен көркейген отбасы

Тектілік - адастырмас темірқазық. Ұрпақтан ұрпаққа мұнайшылықты мирас етіп, еңбекпен көркейген отбасы Атырау облысында тұрады. Қазыналы аймақтың қара алтынын өндіріп, елге танымал болған Бешімовтер әулетінің осы саладағы еңбек өтілі 1 ғасырға жуықтайды. Мұнайшы мамандығын мирас қылған отбасы туралы әріптесім Жұлдыз Тілеухан айтып берсін.
Бешімовтер әулетінің арғы аталары Бешім ақсақал - 1926 жылы Жылыой жерінен қара алтын тапқан алғашқы мұнайшылардың бірі. Еңбек адамының қоғамда қашанда орны бөлек, абыройы биік, Осыны тереңінен түсінген Наурызғали Бешімов әке жолын жалғастырды. Бар ғұмырын мұнай саласына арнады.
НАУРЫЗҒАЛИ БЕШІМОВ, ардагер мұнайшы:
– 1951 жылы Доссордан 10 сынып бітіріп, содан әкем қайтыс болып Комсомолскийде слесарь болып жұмыс жасадым. Содан 1-2 жылдан кейін Москваға барып, сонда атам сияқты мұнайшы боламын деп сондағы институтқа түсіп, оқу бітіріп 58 жылы Қосшағылдан оператор болып жұмықса кірістім. Қосшағыл, Құлсары да, Прорвыда жасадым.
Наурызғали ақсақалдың балалары, тіпті немерелері де ата жолын қуып келеді. Бүгінде қариядан тараған 2 ұл мен екі қызы да мұнай саласында қажырлы еңбек етіп келеді. Ақсақал он немересінің қызығын көріп отырған бақытты ата. Үлкен ұлы Сатыбалды 35 жылын мұнай саласына арнаған. Зейнеткерлік те алыс емес.Қазір абыройлы әулет түлектері Ембімұнайгаз кен орындарында қызмет етеді.
САТЫБАЛДЫ БЕШІМОВ, мұнайшы:
Біз оқып жүргенде сұрақ болған жоқ. Себебі, біз мұнайшы болатынымызды білдік. Әкеміз әу баста оқуды бітіріп, мұнайшы боласыңдар деп айтқан.Себебі, аталарың мұнай ашқан. Сол бізге сіңіп кетті ме, сол кезден мұнайшы боламыз деп дайындылдық. Өзімнің төрт балам бар. Бәрі мұнайшы.
Атадан тараған жауапкершілік жүгін Асылжан да үлкен абыроймен арқалап келеді.
АСЫЛЖАН НАУРЫЗҒАЛИЕВ, мұнайшы:
– Менде мұнай саласында еңбек етемін. Осы еңбек жолымды 17 жасымда бастадым. Жұмыс істегеніме 10 жыл болды.Өзіме ұнайды. Папа, ағаларымның, аталарымның жолын қуған. Болашақта өзімнің балаларым да мұнайшы болады деп ойлаймын.
«Асыл адам айнымас» деген де осы шығар? Өрге озған Бешімовтер отбасының өнегесі ендігі ұрпақты адал әрі табысты еңбекке жетелеп келеді.Көпке үлгі болған отбасы алғашқылардың бірі болып, «Мерейлі отбасы» байқауында бірінші орын алған.










Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал