Өрт қаупі жоғары кезең

12 Просмотры

  • Спасибо! Поделитесь с друзьями!

    Вам не понравилось видео. Спасибо за то что поделились своим мнением!

admen
Издатель
Теміртау қаласы мен Ақтау кентінде өрт қаупі жоғары кезең басталды – тіркелген өрттер саны айтарлықтай артты. Құтқарушылар профилактикалық жұмыстарды күшейтіп, орманшылармен бірлескен оқу-жаттығуларға дайындалуда. Толығырақ тілшіміздің материалында.
Өрт қаупі жоғары кезеңнің басталуына байланысты Теміртау қаласы мен Ақтау кентінде құрғақ шөп пен қамыстың жануына байланысты шығулар саны күрт өсті. 1 сәуір мен 2 мамыр аралығында 60 өртке шығу тіркелді, бұл өткен жылдың сәйкес кезеңімен салыстырғанда үш есе көп. Жалпы жану аумағы – 20 гектар.
Нұрмұхамед Интуев, Теміртау қ. ТЖБ бастығы: «Биыл көктем ерте келді – құрғақ шөптің жануы наурыз айының соңында, сәуірдің басында басталды. Осыған байланысты өрттердің күрт артуы байқалады. Жыл сайын саяжай қауымдастықтарының аумағында өрттер тіркеледі. Биыл бізде "Черемушки" саяжай қоғамында бір өрт және "Алма" саяжай қоғамында құрғақ шөптің жануы тіркелді.»
Маусым басынан бері өрт қауіпсіздігі ережелерін бұзғаны үшін 15 әкімшілік хаттама толтырылды. Салынған айыппұлдардың жалпы сомасы 147 мың теңгеден асты. Сонымен қатар, түсіндіру жұмыстары белсенді түрде жүргізілуде: 10-нан астам рейд, 17 нұсқаулық өткізілді, бұқаралық ақпарат құралдарында және әлеуметтік желілерде 30-дан астам ақпараттық материал жарияланды.
Нұрмұхамед Интуев, Теміртау қ. ТЖБ бастығы: «Бұл жұмыс жалғасатын болады. Біз оны одан әрі күшейтеміз. Жақын арада орман шаруашылығының қызметкерлерімен бірлесіп табиғи өрттерді сөндіру және өзара іс-қимыл бойынша өрт-тактикалық оқу-жаттығу өткізуді жоспарлап отырмыз. Өткен жылдан бері бізде өрттің бастапқы кезеңінде анықтайтын бейнебақылау жүйесі жұмыс істеп тұр. Гагаринское ауылы маңында, ең биік нүктеде орналасқан бұл жүйе барлық жану фактілеріне дереу әрекет етуге және бұзушылықтар анықталған жағдайда әкімшілік шаралар қабылдауға мүмкіндік береді.»
Орман шаруашылығымен өзара әрекеттестікке, техниканың және жабдықтың тексерілуіне, сондай-ақ саяжай аумақтарындағы профилактикалық шараларға ерекше назар аударылуда.
Категория
Темиртау
Комментариев нет.

Следующее

Разработка сайта Creative Lab в Актау ПЕРЕЙТИ НА МОБИЛЬНУЮ ВЕРСИЮ САЙТА