Алғысымыз шексіз!

Биыл Солтүстік Кавказ халықтарының Қазақстанға депортацияланғанына 80 жыл. Осыған орай Достық үйінде республикалық ғылыми-тәжірибелік конференция өтті. Жиында саяси қуғын-сүргін кезіндеге күштеп ұжымдастыру мен ашаршылықтың тарихы және кеңпейіл қазақ халқының жомарттығы туралы сөз қозғалды.

Екінші дүниежүзілік соғыс кезінде Қазақстанға басқа ұлт өкілдерін күштеп қоныстандыру саясаты жүзеге асырыла бастады. Мәселен, 1937 жылы Сыр өңіріне алты жарым мыңға жуық корей отбасы көшірілсе, 1944 жылдың 23 ақпанында Солтүстік Кавказ халықтарын депортациялау басталды. Соның ішінде 26 мыңнан астам шешен – ингуш ұлтының өкілдері Қызылорда облысына қоныс аударылды.

ДӘУЛЕТ ОМАРОВ - «ҚОҒАМДЫҚ КЕЛІСІМ» КММ ДИРЕКТОРЫНЫҢ ОРЫНБАСАРЫ \Қазір шешен-ингуш ұлтының өкілдері Бұқарбай батыр ауылында, Шаған ауылында өмір сүріп жатыр. біздің барлық қоғамдық шараларға қатысып, еліміздің дамуына атсалысып келеді... \

Қазақстанға жер аударылған өзге ұлт өкілдері жергілікті халықтың қамқорлығының арқасында аман қалды. Кеңпейіл қазақ жұрты қолындағы барымен бөлісіп, киім-кешегіне дейін таратып берді. Тіпті, Сыр өңірінде шешен балаларына арналған балалар үйі ашылды. Шешен ұлтының өкілдері осындай қиын кезеңде қолдау білдірген қазақ халқына ризашылығымыз шексіз,- дейді.

ЛАЙЛА ПАШАЕВА - ОБЛЫСТЫҚ ШЕШЕН ЭТНОМӘДЕНИ БІРЛЕСТІГІ ЖЕТЕКШІСІНІҢ ОРЫНБАСАРЫ \Туған жерден күшпен қоныс аударту шешен халқына оңай болған жоқ. Жолда қаншама адам қаза болды. Кішкентай балалар анасының қолында өліп кетті. Жейтін тамақ болмады. Бұл өте ауыр және қайғылы көрініс. Дәл осындай күрделі кезеңде қазақ халқының жылулығын сезіндік. Мен мұны үнемі айтып жүремін және шын жүректен алғыс білдіремін\

Сан ұлтқа сая болған Сыр өңірінде бүгінде 35 түрлі этнос өкілі тату-тәтті, бір шаңырақ астында өмір сүріп жатыр. Олар қандай шара болмасын белсенділік танытады. Мәселен, этномәдени бірлестіктер Алғыс айту күніне орай «Қоржын» қайырымдылық акциясына қатысып, 5 отбасыға 20 000 теңге көлемінде сертфикат табыстады.

Сайт - https://qyzylordatv.kz/ru/live
Facebook - https://www.facebook.com/qyzylordatv/
VK - https://vk.com/qyzylordatv
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/